Tvær borgir á höfuðborgarsvæðinu í stað sjö sveitarfélaga

Þessi hugmynd hefur komið upp en ekki mikið rædd. 

Með því til dæmis að sameina Seltjarnarnes, Reykjavík, Mosfellsbæ og Kjósarhrepp í eina borg (sem er eins og skeifa í laginu og liggja saman landfræðilega), og svo Hafnarfjörð, Kópavog, Garðabæ (með Álftanesi) í aðra borg, væri stærðarhagræðingin gríðarleg. Tvær sveitarstjórnir (borgarstjórnir) í stað sjö minnkar yfirbyggingu mikið, þjónustan ætti að vera ódýrari. Það er reyndar mikil samvinna á milli sveitarfélaga á höfuðborgarsvæðinu en betur má ef duga skal.   

Helsti gallinn við þessa hugmynd er að ef afleiddir stjórnmálaflokkar komast til valda og halda þeim til langs tíma, líkt og í Reykjavík, geta þeir skemmt fyrir fleira fólk en ef sveitarfélögin væru smærri.

Í apríl 2022 bjuggu á höfuðborgarsvæðinu öllu 241 þúsund manns, sem er eins og meðalborg í Evrópu.

Í Reykjavík bjuggu 136,100 þúsund manns; Á Seltjarnarnesi 4,600 manns; Mosfellsbæ 13,100 og í Kjósahreppi 250 manns.  Samtals 153,950 manns í einni borg.

Í Hafnarfirði bjuggu 29,000; Garðabæ 18,500 og í Kópavogi 39,000 manns. Samtals: 86,500 manns.

Kalla mætti Reykjavíkurborg áfram sama nafni, en finna yrði nýtt heiti fyrir hina borgina. Það eru ýmsir kostir að færa stöðu sveitarfélags upp í stöðu borgar. Svo sem:

Að kynnast nýju fólki, fjölbreytt flóra mannfólks. ...
Starfsemi, svo sem listastarfsemi o.s.frv.. ...
Almenningssamgöngur hagkvæmari. ...
Stórir viðburðir. ...
Sameiginleg upplifun. ...
Hærri laun. ...
Fleiri atvinnutækifæri.

En síðan en ekki síst, sparnaður í rekstri sveitarfélagsins vegna stærðarhagkvæmni.

 

Athugasemdir

[Rúnar Már Bragason, 26.4.2023 kl. 12:18]

"spanaður í rekstri ..." Veit ekki betur en Reykjavík sé eina sveitafélagið sem sífellt eykur skuldir sínar af sveitafélögum höfuðborgasvæðisins.

Hins vegar má alveg sameina eitthvað og þá helst að taka Grafarvog, Grafarholt, Úlfarsfell og Kjósina og sameina það Mosfellsbæ. Þannig næst betra jafnvægi í stærð sveitafélaganna á höfuðborgasvæðinu.

[Birgir Loftsson, 26.4.2023 kl. 12:40]

Rúnar, það er stærðarhagkvæmni af stærra sveitarfélagi, en eins og ég benti á, getur afleidd hugmyndafræði (venjulega er hún til vinstri) leitt til lélegs reksturs.  Og þess vegna tala ég um tvær borgir, fólk getur valið með fótunum.  Ég mun aldrei vilja búa í Reykjavík aftur, eins og ég gerði sem barn. En Kópavogur, Garðabær og Hafnarfjörður eru oftast stjórnað af hægri flokkum og hagur þeirra er góður.