Veruleikafirring evrópskra stjórnmálamanna heldur áfram

Nýjasta nýtt er tilkynning Zelenskí um að hann sé tilbúinn að segja af sér embætti (hann er umboðslaus núna) ef það verði til þess að friður komist á Úkraínu og landið fái inngöngu í NATÓ. 

Annað hvort er maðurinn arfa vitlaus eða hann sér eitthvað sem við hin sjáum ekki. Afsögn hans skiptir engu máli um hvort landið fari í NATÓ eða ekki. Það eru ekki bara Bandaríkjamenn og Rússar sem eru á móti inngöngu landsins í bandalagið, heldur líka svo kallaðir bandamenn þeirra, Þjóðverjar og fleiri Evrópuþjóðir. Friður með inngöngu í NATÓ er hreinlega ekki á borðinu en ESB er það hins vegar og hefur Pútín sjálfur sagst ekki vera á móti slíkri þátttöku.  Zelenskí veit sem er, dagar hans eru taldir í embætti forseta.

Svo er það Friedrich Merz, leiðtogi Kristilegra demókrata, sem er ekki heldur jarðtengdur. Hans fyrsta verk eftir að flokkur hans fékk minna fylgi en skoðana kannanir sögðu til um, var að hringja í Lars Klingbeil, einn hæstráðenda Jafnaðarmannaflokksins, í gærkvöldi.  Kjósendur höfnuðu flokknum ótvírætt. Í könnun, sem beint var að fyrrverandi kjósendum Jafnaðarmannaflokksins, reyndist innflytjendastefna helsta ástæða þess að fólk yfirgaf flokkinn. Jafnaðarmenn hlutu sína verstu kosningu í 150 ára sögu flokksins. Olaf Scholz, formaður flokksins, getur ekki verið dauflegri "leiðtogi" en mögulegt er. Algjörlega sneiddur leiðtogahæfileikum. Maðurinn sem var bara þarna verða eftirmæli hans og maðurinn sem keyrði flokkinn niður í svaðið.

RÚV (já, bloggritari kíkir stundum á vefmiðillinn en aldrei á sjónvarpsfréttir) segir svo frá: "Í skoðanakönnun í síðasta mánuði sögðust 83% Þjóðverja hafa áhyggjur af stöðu innflytjendamála og 67% vildu varanlegt landamæraeftirlit, jafnvel þótt slíkt gangi þvert gegn samþykktum Schengen-samstarfsins."

Skilaboð kjósenda eru skýr en samt eiga fallistarnir að komast í ríkisstjórn áfram. Stundum endurspeglar lýðræðið ekki hug kjósenda.

En aftur að Merz. En hvað hefur blessaður maðurinn fyrst að segja? Jú, hann "veður" í Trump. Mbl.is segir frá í blaðagreininni Líkti Bandaríkjum Trumps við Rússland: "Friedrich Merz, verðandi kansl­ari Þýska­lands, beið ekki eft­ir loka­töl­um þing­kosn­ing­anna þar í landi um helg­ina með að til­kynna nýja tíma í Evr­ópu.

Lýsti Merz því yfir í gær­kvöldi að stjórn­völd­um í Banda­ríkj­un­um væri hjart­an­lega sama um ör­lög Evr­ópu. Kvaðst hann full­ur efa­semda um framtíð Atlants­hafs­banda­lags­ins NATO og krafðist þess að Evr­ópu­ríki gerðu skurk í varn­ar­mál­um álf­unn­ar. Taf­ar­laust."

Það er tími til kominn að brauðrisinn Þýskaland vakni af þyrnirósasvefninum og horfist í augun við veruleikann. Hann er einfaldur. Þjóðverjar hafa verið hersetnir af Bandaríkjunum síðan 1945 (Bandaríkjamenn velkomnir þó) og í litlu mæli af Bretum (1230 manns í júlí 2024). Þýskaland hefur orðið efnahagsveldi í skjóli Bandaríkjanna, m.a. vegna þess að þeir síðarnefndu komu í veg fyrir hersetu Sovétríkjanna og vernduðu landið allar götur síðan 1945 og Þjóðverjar hafa sloppið við að hervæðast og eyða fé í varnarmál. Bundeswehr - þýski herinn er illa staddur (sjá næstu grein) og getur ekki varið landið.

Já, það er kominn tími til að Þjóðverjar hysji upp um sig buxurnar og fari að haga sér eins og stórveldi (sem það er efnahagslega). Því miður virðast Þjóðverjar ætla að halda áfram með "grænu byltinguna" sem er ekki efnahagsleg hagkvæm og samkeppnishæfni landsins heldur áfram að vera í lágmarki. Hvernig ætla þeir að keppa við olíu- og gas risann í Bandaríkjunum eða kolaverksmiðjurnar í Kína (ein opnar vikulega)?

Líkti Metz Banda­ríkj­um Don­alds Trumps við Rúss­land – þau væru orðin ámóta ör­ygg­is­ógn gagn­vart Evr­ópu. Evr­ópa væri nú milli steins og sleggju þar sem Banda­rík­in og Rúss­land væru og því væri skjótra ákv­arðana þörf. Og hann minnist á Evrópuher.

Stóra myndin er þessi: Bandaríkin líta ekki lengur á Evrópu sem forgangs mál í varnarstefnu sinni. Bandaríkjaher á að geta háð næsta stríð í Asíu sem þeir veðja á að verði. Bandaríkjamenn líta á Evrópumenn sem efnahagslega keppinauta sem þeir eru.

En gangi Evrópumönnum vel að reyna að verja Úkraínu án Bandaríkjanna. Ef þeir ætla að reyna það, þá eru þeir veruleikafirrtari en maður getur órað fyrir. Þeir hafa haft 3 ár til að koma á friði í Úkraínu en hafa ekki einu sinni reynt að tala við deiluaðila. Forystulið Evrópu er ekki hæfara en þetta. Svo er hnýst í þann sem ætlar að koma á frið.

 

 

Eru milljónir Bandaríkjanna 100+ ára að fá velferðabætur? Og aðeins um ólöglega innflytjendur

Elon Musk segir að milljónir látina manna séu á skrá velferðakerfisins en spurningin er, hvort þetta fólk er að fá bætur?  Kíkjum á USA Today sem er ekki vilhalt Trump stjórninni. USA Today

Eru milljónir í gagnagrunni almannatrygginga (SSA) á aldrinum 100-159 ára?

Já, en SSA veit að margir eru taldir látnir og nærri því enginn þeirra fær greiðslur.  SSA notar dánarskýrslur frá ýmsum aðilum til að gefa til kynna hvenær einstaklingur með almannatryggingarnúmer hefur látist og bætir upplýsingum við "dauðastjóraskrá", samkvæmt 2023 skýrslunni. Útgáfur af dánarskránni eru einnig gefnar til alríkisbótastofnana og fjármálastofnana til að koma í veg fyrir og koma auga á svik.

Í endurskoðuninni árið 2023 kom í ljós að 18,9 milljónir manna fæddar 1920 eða fyrr höfðu ekki verið tilkynntar látnar né hent yfir í dánarskrána. Það nam um 3,6% af öllum einstökum almannatrygginganúmerum sem nokkurn tíma hafa verið framleidd.

"Við teljum líklegt að SSA hafi ekki tekið við eða skráð flestar dánarupplýsingar 18,9 milljóna einstaklinga, fyrst og fremst vegna þess að einstaklingarnir dóu fyrir áratugum - áður en rafræn dauðsföll voru notuð," segir í skýrslunni.

Hins vegar, "næstum enginn" af 18,9 milljónum kennitöluhafa fæddum 1920 eða fyrr var að fá SSA greiðslur, sagði í skýrslunni 2023, þar sem tekið var fram að um 44.000 væru enn að fá greiðslur þegar endurskoðunin var gerð.

Bókun almannatrygginga stöðvar greiðslu við 115 ára aldur

Skortur stofnunarinnar á sjálfvirku ferli til að bæta upplýsingum fólks við dánarskrána þegar það hefur farið yfir hæfilegan lífslíkur var einnig tilkynnt í almennri skýrslu eftirlitsmanns árið 2015. Frá og með september 2015 byrjaði SSA að gera sjálfvirkan uppsagnarbætur þegar fólk náði 115 ára aldri.

Elon Musk hefur bæði rétt fyrir sér og rangt. Jú, milljónir manna 100+ ára eru í gagnagrunninum og ekki skráðir látnir, líklega vegna þess að þetta fólk var ekki skráð rafrænt í gagnagrunninn þegar tölvuvæðingin varð. Góðu fréttirnar fyrir bandaríska skattgreiðendur eru að fáir af þessum einstaklingum eru að fá greiðslur sem eru látnir. En eflaust eru svikadæmi í gangi, það er í öllum kerfum, líka hér á Íslandi. Bloggritari hefur því ekki hugmyndir hversu margir eru að fá bætur látnir, ekki frekar en aðrir sem eru að reyna að finna út réttar tölur.

En það er meira spennandi hvað lið Musks fann í USAID sem er greinilega gerspillt stofnun og er búin að vera sem slík. Þvílík peningasóun og spilling.

Nú eiga allir opinberir starfsmenn alríkisstjórnarinnar að gefa skýrslu um störf sín. Musk sagði í gær að starfsmenn muni fá tölvupóst sem gefur þeim tækifæri til að útskýra hversu afkastamikill þeir voru vikuna á undan. Ef starfsmaður bregst ekki við tölvupóstinum sagði Musk að stjórnvöld myndu túlka það sem afsögn. Musk sagði að skýrslan ætti að taka innan við fimm mínútur fyrir starfsmenn að skrifa. Frestur til að svara tölvupóstinum er til klukkan 23:59 mánudag.

Pentagon er næst á dagskrá en varnarútgjöld eru fyrirferða mikil í ríkisfjárlögum.

Athyglisvert er að starfandi forstjóri ICE hefur verið rekinn. Ekki nógu margir ólöglegir innflytjendur eru handteknir og reknir úr landi. Nú er ChatGPT spurð um fjölda þeirra. Svarið er eftirfarandi:

"Frá og með febrúar 2025 eru áætlanir um fjölda ólöglegra innflytjenda í Bandaríkjunum mismunandi. Í júlí 2023 tilkynnti Center for Migration Studies um það bil 11,7 milljónir óskráðra einstaklinga sem búa í landinu (heimild: Columbia Mailman School of Public Health),

Á sama hátt áætlaði Pew Research Center 11,0 milljónir óviðkomandi innflytjenda árið 2022 (heimild;: Pew rannsóknarmiðstöð). Þessar tölur benda til stöðugleika í íbúafjölda eftir að hámarkið var 12,2 milljónir árið 2007.

Hins vegar benda sumar rannsóknir til hærri tölur. Greining frá 2018 vísindamanna við Yale háskóla gaf til kynna að raunverulegur fjöldi óskráðra innflytjenda gæti verið yfir 22 milljónir, þó að þetta mat hafi verið umdeilt og ekki almennt viðurkennt (heimild: Yale insights).

Það er mikilvægt að hafa í huga að það er krefjandi að ákvarða nákvæmlega fjölda óviðkomandi innflytjenda vegna þátta eins og tregðu einstaklinga til að taka þátt í könnunum og takmarkana á gagnasöfnunaraðferðum. Þess vegna, þó að áætlanir gefi almenna tilfinningu fyrir stofnstærðinni, er ekki víst að þau ná heildarmyndinni.

Að auki geta nýlegar stefnubreytingar og framfylgdaraðgerðir, eins og þær sem ríkisstjórn Donald Trump forseta hefur hrint í framkvæmd, haft áhrif á þessar tölur. Til dæmis gætu áætlanir um fjöldaútflutning sem miða að milljónum innflytjenda sem búa ólöglega í Bandaríkjunum haft veruleg áhrif á stærð óviðkomandi innflytjenda (heimild: Reuters)

Í stuttu máli, þó að áætlanir um óviðkomandi innflytjendur í Bandaríkjunum séu venjulega á bilinu 11 til 12 milljónir, er nákvæm tala enn óviss og er háð breytingum á grundvelli stefnuákvarðana og framkvæmdarvenja." Hér endar ChatGPT.

Hvað um það, 12 milljónir eða 22 milljónir, þá er handtöku tölur ICE upp á 1000 manns á dag, dropi í hafi. Það er reyndar ekki liðinn nema einn mánuður síðan Trump tók við völdum og stjórn hans er enn ekki búin að fá fjárveitingu til að reka milljónir manna úr landi árlega. Það verður sennilega innifaldið í stóra fjárlaga pakkanum sem líklega verður tilbúinn í mars.

Flokkur fólksins veldur vonbrigðum

Þegar flokkurinn var í stjórnarandstöðu, lofaði hann góðu.  Formaðurinn virkaði skelleggur og harður í andstöðunni. Hann (hún) var þó ekki eins öflug og tveir þingmenn Miðflokksins en það heyrðist reglulega í flokknum.

Áður en til kosninga kom, lét hún í það skína að nú verði flokkurinn að komast til valda til að láta flokkinn komast að stjórn landsins og hafi áhrif. Nú sé tækifæri með skoðanakannanirnar þeim í vil. Það gekk eftir. Fyrir bloggritara var þetta augljós merki um að nú verði farið í ríkisstjórn, sama hvað.

Sá grunur reyndist sannur, því flokkurinn snéri við stefnumál sína 180 gráður og var fljótur að afneita margan heilagan kaleik, eins og orkupakka, borgarlínu, bókun 35 og margt fleira, s.s. 450 þúsund krónur lágmarks framfærslueyrir.

Flokkurinn gaf sig út fyrir að vera borgaraflokkur og vera óhefðbundinn flokkur sem berðist fyrir minni máttar í þjóðfélaginu. Ansi mörg atkvæði fékk flokkurinn út á þessa stefnu.

Fylgi byggist á trausti kjósenda. Nú vita þeir, sem er, eins og með Framsóknarflokkinn í Reykjavík, að vont er að svíkja loforð og að sumt gleyma kjósendur ekki. 

Það að binda túss sitt við vinstri flokka í Reykjavík (þegar kjósendur kusu Framsókn til breytinga) og við vinstri flokkanna í landsmálum, kann illu að stýra. Þökk sé Flokki fólksins, stjórna vinstri flokkar bæði Reykjavík og landinu. Þetta sjá margir kjósendur, ekki allir, og blokkritari spáir að Framsókn þurrkist út í Reykjavík og helmingur af fylgi Flokk fólksins fari af flokknum. Ef fátækir og öryrkjar sita áfram út í kuldanum (eins og fyrirséð er), þá er hætt við að fylgishrunið verði enn meira.

Nú vita kjósendur, að Flokkur fólksins er vinstri flokkur og hvers vegna að kjósa þennan flokk næst, þegar úrvalið er mikið á vinstri vængnum?

 

Niðurskurður í Pentagon og Evrópa úti í kuldanum?

Pete Hegseth, varnarmálaráðherra Bandaríkjanna, hefur fyrirskipað háttsettum herforingjum að skera niður 8% af fjárlögum ráðuneytisins fyrir hvert af næstu fimm árum, að því er The Washington Post greindi frá á miðvikudag.

Fjárhagsáætlun Pentagon fyrir árið 2025 er um það bil 850 milljarðar dollara og almenn skoðun á Capitol Hill er að sögn að gríðarleg útgjöld þurfi til að verjast ógnum Kínverja og Rússa.

Það að niðurskurður sé í gangi, þarf ekki endilega að bardagahæfni Bandaríkjahers minnki.  Ef peningar sem Pentagon fær eru betur notaðir, þá gæti jafnvel verið um innspýtingu að ræða. Ekki hefur verið hægt að staðfesta bókhald Pentagons í áratug og enginn veit hvað orðið hafi um tugir og hundruð milljarða Bandaríkjadollara. Menn bíða spenntir eftir hvað D.O.G.E. afhjúpar varðandi varnarútgjöld.

En í hvað fer fjármagnið? Sjá má áherslur Bandaríkjastjórnar með að skoða hvert féð fer. Þó að áframhaldandi fjármögnun "stuðningsstofnunar" til Indó-Kyrrahafsherstjórnar, Norðurherstjórnar og Geimsherstjórnar sé lýst í minnisblaði Hegseth, er evrópska herstjórnin áberandi fjarverandi á listanum, sem hefur gegnt lykilhlutverki við að innleiða stefnu Bandaríkjanna í stríðinu milli Rússlands og Úkraínu.

Einnig vantar á listann Miðherstjórn (e. Central Command), sem hefur umsjón með aðgerðum í Miðausturlöndum, og Afríkuherstjórn (e. Africa Command), sem stýrir nokkur þúsund hermönnum um alla álfuna.

Skilaboðin eru skýr frá stjórn Trumps.  Evrópumenn, hysjið upp um ykkur buxurnar, þið hafið lifað á okkur í áratugi og nú er því lokið.  Eyðið meira í varnarmál og með það erum við farnir að mestu úr Evrópu. Þýskaland, sem hefur ekki sinnt eigin varnir síðan 1945 af viti, þarf að sætta sig við að setulið Bandaríkjanna hverfi úr landinu. Í landinu eru 35 þúsund bandarískir hermenn. Trump er enginn vinur Evrópu (Hegseth húðskammaði evrópska ráðamenn um dögunum og menn sátu í áfalli yfir ásökunum Bandaríkjamanna).

Þetta kann að skýra algjört virðingaleysi gagnvart bandamönnum í NATÓ og ráðamenn Evrópu komi ekki að samningsborði friðarviðræðna um Úkraínu. Álit þeirra skiptir ekki máli og áherslan er á Asíu.

Menn einblína of mikið á rausið í Trump um hver beri ábyrgð á upphaf Úkraínu stríðsins. Það er aukaatriði og sagan sjálf, ekki Trump eða aðrir stjórnmálamenn, mun skera úr það mál. Og hver verður árangur friðarviðræðnanna? Það er það sem skiptir máli. Raunveruleiki á jörðu niðri skiptir máli, ekki orðræða og orðaskak.

En hvað eru margir bandarískir hermenn í Evrópu? Ekki eru til nýlegart tölur. Á meðan kalda stríðinu stóð, náði viðvera bandaríska hersins í Evrópu hámarki með yfir 450.000 hermönnum sem störfuðu á meira en 1.200 stöðum. worldbeyondwar.org

Eftir lok kalda stríðsins fækkaði bandarískum hermönnum í Evrópu verulega. Samkvæmt frétt frá febrúar 2022 voru um 75.000 til 80.000 bandarískir hermenn með fasta viðveru í Evrópu.

Þessi viðvera er dreifð yfir nokkur Evrópulönd, þar sem stærstu herstöðvarnar eru meðal annars í Þýskalandi, Ítalíu og Bretlandi.

Þetta kann að vera skynsamlegt fyrir Bandaríkjamenn í stöðunni eins og hún er í dag, en afar óskynsamleg ef horft er til framtíðar. Evrópa er stuðpúði varna úr austri fyrir Bandaríkjamenn og mikilvægur áfangastaður herliðs sem fer til Miðausturlanda, Afríku og Asíu. Þetta mun gefa hugmyndum um Evrópuher byr undir báða vængi og menn neyðast til að axla ábyrgð á eigin vörnum án stuðnings Bandaríkjahers. Ísland mun einangrast frá Evrópu, hernaðarlega séð, enda flokkast landið undir varnir Vesturheims og Bandaríkjaher vill vera hér áfram.

Spurningin í náinni framtíð er, hvort vilja Íslendingar vera undir verndarvæng Bandaríkjanna eða Evrópu? Hvort er hæfari til að verja Ísland? Svari hver fyrir sig. Við vitum hvað núverandi ríkisstjórn segir en vill Þorgerður Katrín utanríkisráðherra styggja Bandaríkjamenn? 

Að lokum, bloggritari hóf að skrifa hér á blogginu fyrir fjórum árum. Allar götur síðan, er hann fjallar um varnarmál, hefur hann varað við að treysta á einn eða neinn um eigin varnir. Hið ótrúlega getur gerst og er nú að gerast. Á ögurstundu getur orðið svo að Bandaríkjaher geti ekki varið landið (sbr. 2006) eða ef við treystum á Evrópuher, að þeir komi yfir höfuð okkur til varnar, enda varnir meginlands Evrópu mikilvægari. Það væri helst að Bretinn komi aftur og rifji upp úr sögubókum að einu sinn hafi "Britain rules the waves" hér á Atlantshafi.

Erik Prince um staðal her gagnvart þjóðvarðliði

Erik Dean Prince (fæddur júní 6, 1969) er bandarískur kaupsýslumaður, fjárfestir, rithöfundur og fyrrverandi SEAL yfirmaður bandaríska sjóhersins og stofnandi einkahernaðarfyrirtækisins Blackwater. Hann starfaði sem forstjóri Blackwater til 2009 og sem stjórnarformaður þar til það var selt til hóps fjárfesta árið 2010.

Óhætt er að segja að hugmyndir Eriks Prince séu ekki hefðbundnar eins og sjá má af meðfylgjandi myndbandi. Þar til dæmis kom hann með hugmyndir hvernig uppræta megi Hamas. Hann kom þremur vikum eftir fjöldamorðin 7. október til Ísraels með víðtæka hugmynd: bora og dæla sjó inn í Gaza-göngin, flæða þau með vatni og þannig neita Hamas um getu til að heyja neðanjarðarhernað. Í því skyni hitti hann háttsetta embættismenn hjá varnarmálastofnun rannsókna og þróunar (DDR&D eða MAFAT), sérsveitardeild Yahalom hersveita bardagaverkfræðideildar IDF og verkfræðinga suðurherstjórnarinnar. IDF, fyrir sitt leyti, byrjaði að reyna að hrinda hugmyndinni í framkvæmd, en hún var á endanum yfirgefin. IDF hermenn, eins og við vitum, sneru aftur í hefðbundnari bardagaaðferðir og fóru sjálfir niður neðanjarðar og sjá má árangurinn af því, sem er ekki ótvíræður sigur og ómældar þjáningar fyrir óbreytta borgara. 

En ætlunin er að fjalla um hugmyndir Prince um "standard army" eða staðalher.  Það að hugmynd hans um að fylla jarðgöng Hams sem ná um 300 km, var það enn ein sönnun þess að reglulegir herir og skrifræðiskerfi eiga erfitt með að hugsa út fyrir rammann og starfa á skapandi hátt. Það var líka sönnun þess að hann trúði því að Blackwater, einkaherinn sem hann stofnaði sem hefur sinnt sérstökum verkefnum fyrir Pentagon og CIA, hafi verið brautryðjandi og fyrirmynd.

Hann segir að þó að bandaríski herinn sé nú uppbyggður af sjálfboðaliðum og það sé frábært í sjálfu sér, þá séu atvinnuhermennirnir fastir í viðjum her skrifræðis. Bakgrunnur hermannanna sé einsleitur en svo sé ekki hjá þjóðvarðliðunum bandarísku sem starfa tímabundið og hluta úr ári.  Í því liði eru menn starfandi sem rafvirkjar í borgaralegu lífi, lögfræðingar o.s.frv. sem taka þekkingu og lausnir inn í herinn. Þannig hafi bandaríski herinn byggst upp í upphafi og með árangri að þeim tókst að reka Breta, heimsveldið sjálft úr Bandaríkjunum.

En svo eru aðrar hugmyndir hans umdeildari. Prince hefur lagt til að skipta um verulegan hluta bandarískra hermanna á átakasvæðum eins og Afganistan út fyrir einkaverktaka. Hann bendir á að minni liðsauki sérsveita, auk verktaka, gæti náð stefnumarkandi markmiðum á skilvirkari hátt og með minni kostnaði. Til dæmis hefur hann haldið því fram að aðferð hans myndi kosta minna en 20% af 48 milljörðum dala sem varið var árlega í Afganistan.

Hins vegar hafa tillögur Prince sætt verulegri gagnrýni. Andstæðingar halda því fram að það að reiða sig á einkaverktaka veki lagalegar, siðferðilegar og ábyrgðar vandamál. Til dæmis, Sean McFate, fyrrverandi herverktaki, heldur því fram að slíkar áætlanir séu "misráðnar og hættulegar" og undirstrikar möguleikann á auknum atvikum líkt og fjöldamorðin á Nisour Square, þar sem starfsmenn Blackwater drápu 17 íraska borgara.

Hvað um það, hugmyndir hans um og samanburður á staðalher og þjóðvarðlið er nokkuð sem Íslendingar mættu hugleiða er þeir loksins taka af skarið og komi sér upp vopnuðu varnarliði.  Þær falla algjörlega að hugmyndum bloggritara sem hefur mælt með að stíga skrefið varlega og koma eigi upp varaliði á stærð við undirfylki. Það má kalla það ýmsum nöfnum, það skiptir svo sem litlu máli, bara að þessar sveitir séu tiltækar þegar á reynir. Það gæti verið fyrr en ætla má.

 

 

NATÓ - ríki funda um...ekki neitt

Það var ljóst fyrir ofangreindan fund að engin niðurstaða myndi fást úr viðræðunum. Það var heldur ekki líklega ætlunin, heldur að reyna að stilla saman strengi.

Evrópuríkin eru í slæmri stöðu, eru búin að missa sjálfkrafa stuðning aðal aðildarríkisins, Bandaríkin. BNA hafa verið eins og banki sem auðvelt hefur verið að ganga í og fá fé án vankvæða. Nú er öldin önnur.

En hver er ástæðan fyrir allri þessari hörku af hálfu Bandaríkjamanna gagnvart bandamönnum sínum? Jú, Bandaríkjamenn vilja færa herafla sinn að mestu frá Evrópu og til Asíu. Þar telja þeir að næsta stórstyrjöld verði og sú barátti verði tvísýn fyrir Bandaríkjaher.  En ekki er hægt að skilja Evrópu eftir varnarlausa, hún er jú líka mikilvæg fyrir varnir Bandaríkjanna og því eru Evrópuríkin tuktug til.  Þau eiga að eyða meira og taka meiri ábyrgð svo Kaninn geti fært herafla.

NATÓ í Evrópu mun ekki eiga neinn þátt nema sem áhorfendur að friðarviðræðunum milli Bandaríkjanna og Rússlands (og Úkraínu sem hálf þátttakandi).  Þau eru eins og peð sem eru færð til án þess að vita að þau eru bara peð í refskák stórveldanna.  Trump er að "plata" með hótunum sínum enginn þorir að reyna á platið.

ESB er marghöfða þurs og sem slíkur veit hann aldrei í hvaða átt hann á að fara. Bandaríki Evrópu (ESB) verður aldrei nema lausbundið bandalag aðildaþjóða en ekki stórveldi. Kannski skárri kostur en að álfuríkin bysa hvert í sínu horni áhrifalaus en á meðan Pax Romana fyrirkomulag er ekki við lýði, og með ótvíræðan valdakjarna (eins og Róm var), er ESB að mestu áhorfandi að eigin örlögum. En þaðan halda íslenskir ESB - sinnar að valdið liggi.

NATÓ er því ekki í hættu né staða Íslands sem er bæði í NATÓ og með tvíhliða varnarsamning við Bandaríkin. Ísland tilheyrir Vesturheimi í varnarmálum, ekki Evrópu.  En það þýðir ekki að Ísland sé stikkfrítt.  Það mun koma krafa af hálfu bandamanna í Evrópu og frá Bandaríkjunum að Ísland axli meiri ábyrgð í sínum varnarmálum og hætti þar með að vera veiki hlekkurinn.

Það geta Íslendingar gert með eflingu Landhelgisgæslunnar, keypt til dæmis korvettu/freigátu sem herskip og tekið að sér kafbátaeftirlit við landið. Þar með er landið orðið þátttakandi í eigin vörnum.

Manngerð hlýnun helsta ástæða innstreymi ólöglegra innflytjenda í Bandaríkjunum?

Í það fyrsta verður að gera greinamun á ólöglegum innflytjendum og flóttamönnum sem koma til Bandaríkjanna. Fyrrnefndi hópurinn fer ólöglega yfir landamærin þar sem ekki er landamærahlið inn í landið en þar eiga allir sem sækja um hæli að fara í gengum, rétt eins og á Íslandi, þar sem flestir fara í gegnum Keflavíkurflugvöll sem er viðurkenndur aðkomustaður inn í landið. 

Kíkjum á þau ríki sem þar sem flestir ólöglegir innflytjendur koma frá. Í stjórnartíð Joe Biden forseta komu þeir frá nánast öllum löndum heims. Þó að Mexíkó hafi verið aðaluppspretta, nam um það bil 29% óviðkomandi farandfólks á milli ágúst 2020 og apríl 2024, var áberandi aukning einstaklinga frá öðrum þjóðum. Nánar tiltekið voru farandverkamenn frá Gvatemala (9%), Hondúras (9%), Venesúela (7%), Kúbu (6%), Níkaragva (4%) og Haítí (4%) verulegur hluti af innstreyminu. Auk þess var mikil aukning á farandfólki frá löndum utan vesturhvels jarðar, þar á meðal Kína, Indlandi og Rússlandi.  Engar nátttúruhamfari þar en mikil fátækt.

Löglegir flóttamenn fara í gegnum landamærahlið og sækja þar um hæli. Yfir 90% ólöglegra innflytjenda (líka þeir sem ekki vilja nást) fara yfir landamærin þar sem ekki á að fara yfir. Þetta er vandamál sem núverandi ríkisstjórn Bandaríkjanna er að taka á, ekki fjarlægar og fjarstæðukenndar ástæður eins og "manngerð" hlýnun jarðar. 

Það getur vel verið að það séu náttúruleg vandamál í einhverjum löndum málið er að svo kölluðu innflytjendur í Bandaríkjunum sem fara ólöglega yfir landamæri koma frá 160+ löndum.  Hef ekki mikla trú á að í öllum þessum löndum séu nátttúruhamfarir. Inn í þessum tölum eru meira segja Íslendingar en það stendur til að reka ólöglega Íslendinga úr landi og ég held að það sé um tugur manns sem dvelur ólöglega í landinu.

Helsta skýringin á ásókn innflytjenda (nota ekki hugtakið hælisleitandur, því margir sækja ekki einu sinni um hæli, heldur fara ólöglega inn í landið og forðast yfirvöld eins og heitan eld) til Bandaríkjanna eru bætt lífskjör. Þar með uppfylla þeir ekki skilyrði þess að geta kallast hælisleitendur/flóttamenn. 

Í Bandaríkjunum, eins og öllum öðrum löndum, ganga opin landamæri ekki upp. Ástæðan er einföld. Í öllum ríkjum ríkir velferðakerfi sem skattgreiðendur borga dýrum dómum fyrir sem og öll önnur þjónusta sem ríki veita, svo sem heilbrigðisþjónusta, löggæslan o.s.frv. Skattgreiðendur geta tekið inn á sig og greitt fyrir ákveðinn hóp hælisleitenda, ekki allan heiminn eins og er að gerast í Bandaríkjunum. Þau eru rík, og þó, landið er tæknilega séð gjaldþrota. 14 milljónir ólöglegra innflytjenda er of stór biti, jafnvel fyrir Bandaríkjamenn og það þótt margir þeirra vinni ólöglega fyrir sig, þá borga þeir ekki skatta (sem á að halda kerfinu gangandi).

Ísland prófaði að opna landamæri sín, t.d. fyrir íbúum Venesúela og afleiðingin var auðljós, innviðir landsins þoldi ekki aukaálagið.  Öll ríki verða því að hafa stjórn á landamærum sínum, til að verja velferðakerfi sín og koma í veg fyrir að glæpamenn og eiturlyf flæði yfir landamæri og valdi ómældum skaða.

Bandaríkin alein bera enga ábyrgð á vanda heimsins. Vandamálið er að vandamál annarra ríkja hafa verið látin ganga yfir vanda íbúa landsins. Það er ómældur hópur fólks sem á ekki til hnífs og skeiðar í landinu og er húsnæðislaust. Vandi þess fólks er ekki sinnt sómasamlega af bandarískum yfirvöldum, ekki fyrr en nú?

 

J.D. Vance skammar Evrópuríki fyrir skort á lýðræði og málfrelsi

Því miður hefur Vance rétt fyrir sér. Woke rétttrúnaðurinn og miðstýringin frá Brüssel er allt að kæfa í vöggu lýðræðis og heimspeki - Evrópu. Það eru engir leiðtogar til í Evrópu, aðeins skrifræðis- og kerfiskarlar-konur er sem komast til valda í gegnum flokka sína með því að klóra rétt bök.

Andleg hnignun  álfunnar fer í hönd við aukið ríkisdæmi og enginn ver andlegan fjársjóð sem saga Evrópu og menning hefur að geyma. Umburðarlyndið og innleiðing framandi menningaheima leiðir að lokum til helsis og átaka innan evróskra samfélaga. Flóttamenn eru byrjaðir að flýja Svíþjóð sem dæmi því að öryggi þeirra er minna þar en þaðan sem þeir komu frá.

Inn í þessa hnignun vilja Evrópusinnar leiða Íslendinga og einu rökin fyrir inngöngu í ESB er betra gengi Evrunnar gagnvart krónunnar en  þessir kappar minnast ekki á skrifræðið, opin landamæri, orkuskort, hugmyndafræðilega villustefnu, glæpi og þjóðaskipti í Evrópu sem nú er í fullum gangi sem reynar er líka að gerast á Íslandi.

 

 

Evrópuher eða NATÓ - það er spurningin?

Reyndar er það bara möguleiki í augum þeirra sem ekki er raunveruleika tengdir. Einn af þeim er Zelenský, fyrrum forseti Úkraínu en er nú stjórnandi Úkraínu, umboðslaus. Hann veit sum sé hvað er í boði fyrir Úkraínumenn eftir þetta tilgangslausa stríð. Það er ekki mikið.

Ekki er í boði fyrir Úkraínumenn að ganga í NATÓ, og þess vegna er hugmyndin um Evrópuher viðruð af honum og sumir klappa kurteislega fyrir ræðumanni en raunveruleikinn er sá að Evrópumenn hafa ekki viljað axla ábyrgð í varnarmálum síðan kalda stríðinu lauk. Þá var skrúfað niður í fjárveitingar til varnamála eða þar til Úkraínu stríðið byrjaði í raun, 2014. Þá var ákveðið að allar Evrópuþjóðir myndu auka framlag sitt upp í 2% af vergri landsframleiðslu  til varnamála. Flestar þjóðir eru að ná því marki en hvað svo?

Hugmyndin um stofnun Evrópu er andvana fædd. En hún verður aðeins að veruleika ef Bandaríkjamenn ákveða að ganga úr NATÓ og þá verður NATÓ að sjálfkrafa að Evrópuher (með þátttöku Kanadamanna ef þeir vilja þá vera áfram með). Ekki er þörf á að stofna formlega til nýs Evrópuhers.  NATÓ gæti bætt við Georgía og önnur jaðarríki Evrópu ef Evrópumenn kjósa þess.

En því miður eru leiðtogar Evrópu, ef leiðtogar má kallast, eru í einhvers konar eyðimerku göngu með álfuna. Það stendur ekki steinn yfir steini á öllum sviðum mannlífs í álfunni. Gildi, sem eru byggð á grísk/gyðinglegum grunni eru hunsuð og einhvers konar sósíaldemókratísk hugmyndafræði er við lýði sem  gekk upp þegar evrósk gildi voru gildandi. Hún bara gengur ekki upp þegar þjóðarskipti/menningaskipti hafa gengið yfir álfunnar á vakt sósíaldemókratískra afla.  Þetta er það sem Vance, varaforseti Bandaríkjanna, var að vara við í Evrópureisu sinni í Þýskalandi í vikunni og Evrópuleiðtogar sátu dollfallnir yfir (og skömmulegastir?). Hættan fyrir Evrópu kemur innan frá, ekki frá Rússlandi eða Kína segir hann. Hvað á hann við?  Við vitum svarið.

 

Skrifræðið ræður ríkjum á Íslandi - djúpríkið og konur við völd

Það er alveg kostulegur skrípaleikurinn í kringum lokun flugbrautar á Reykjavíkurflugvelli.  Borgaryfirvöld hafa hunskast til að byrja að fella tré í Öskjuhlíð en samt sitja skrifstofublækurnar fast við sinn keip í skrifræðisríkinu og leyfa ekki einu sinni neyðarlendingar. Mannslíf eru í hættu en ekki er kvikað, heilbrigð skynsemi ekki látin ráða för. Maður myndi halda í fámennu samfélagi, þar sem boðleiðir eru fáar að auðvelt væri að bregðast við, en svo er ekki.

Það er alltaf verið að tala um að fjölmiðlar séu fjórða valdið, það er ekki rétt. Fjórða valdið er embættismannakerfið sem er svo öflugt að jafnvel ráðherrar ráða ekki við það.  Þessir ókjörnu embættismenn, sem stundum eru kenndir við djúpríkið, hafa ansi mikil völd. Þeir búa til reglugerðir, jafnvel lög og framfylgja þeim oft að eigin geðþótta.

Það er betur að koma í ljós hversu spillt það er, þegar ekkert eftirlit er með slíkum embættismönnum í Bandaríkjunum. Nýjasta dæmið er FEMA, sem er hamfarasjóður og -stofnun sem á að hjálpa Bandaríkjamönnum í kjölfar nátttúruhamfara.  Hún er svo illa stjórnuð að fólk í Kaliforínu og öðrum ríkjum eru enn að bíða eftir aðstoð (starfsmenn þeirra hunsuðu hús fólks sem var með MAGA skilti í görðum). Á meðan er stofnunin að senda 80 milljónir dollarar til New York til ólöglegra hælisleitenda til að gista í lúxushótelum.  Auðvitað rak Trump stjórnin þessa spilltu embættismenn sem gerðu þetta á stundinni, enda hvað kemur hótelgisting ólöglegra innflytjenda afleiðingar nátttúruhamfara við?

Svipað eða í líkingu við það, hlýtur að eiga sér stað á Íslandi. Því í skugganum leynist ávallt spillingin. En hér er engin tiltekt og hreinsun í gangi.

Að lokum. Það vekur athygli að Íslandi er nú stjórnað af konum. Við fyrstu sýn virðist þetta vera góðar fréttir en er það svo? Eru konur betri stjórnendur en karlar?

Nú eru konur í öllum æðstu embættum landsins. Kona er forseti Íslands. Það er þegar komið upp hneykslunarmál varðandi skróp á helfarar minningarhátíð sem forsetinn mætti ekki á. Biskup Ísland var kona og hún hrökklaðist úr embætti vegna margra spillingamála sem hún réði ekki við. Forsætisráðherrann er kona og ekki fer ríkisstjórn hennar vel af stað. Mikill vandræðagangur er með einn stjórnarflokkanna sem er með allt niðrum sig í flokksstarfi og svikina loforða (enn er tími til að laga það).  Allir flokkarnir lugu til með þögninni um aðildarumsókn í ESB, þjóðinni að forspurðri.  Ekki gæfuleg byrjun og örugglega verður ekki tekið á erfiðustu vandamálum þjóðarinnar.

Það þarf leiðtoga (sem hefur ekki sést lengi á Íslandi) til að sópa til í kerfinu og leiða þjóðina til framtíðar með skýra sýn. Kynferði skiptir hér engu máli, heldur rétta manneskja sem þorir að leiða.