Styttist í endalokin fyrir Joe Biden

Mynd: Þessi mynd er fræg en hún sýnir ferð Joe Biden til Kína þegar hann var varaforseti Bandaríkjanna. Með í för var sonur hans, Hunter Biden, og sagt er að í þessari ferð hafi Hunter komist í vasa kínverskra stjórnvalda. Sagt er að faðirinn fái 10% af öllum "viðskiptasamningum" Hunter Biden en maðurinn er frægur fyrir dópneyðslu og óreglu og ætti ekki að sitja í neinni stjórn fyrirtækja. Samt á hann hlut í úkranísku og kínverskum fyrirtækjum.

Ég hef sagt það lengi að Joe Biden væri óhæfur til að gegna embætti forseta Bandaríkjanna. Fyrst og fremst vegna þess að hann er kominn með elliglöp en einnig vegna þess að hann hefur aldrei verið skarpasti hnífurinn í skúffunni. Hann hefur farið langt á brosinu en það dugar ekki þegar viðkomandi er kominn í valdamesta embætti heims.

Fyrstu 10 mánuðir Joe Bidens í embætti hefur verið ein ósigurför á enda, allt sem hann kemur við brennur. Hann byrjaði fyrsta daginn (bókstaflega) á að eyða út öll verk Donalds Trumps í embætti, alveg sama hversu gott það var, sem er mjög heimskulegt enda er það að koma í bakið á honum.

Hér er dæmi: Hann afnam "remain in Mexico" stefnu Trumps, þar sem farandfólk var sent umsvifalaust til baka til Mexíkó til að bíða málsmeðferðar en einnig stöðvaði hann byggingu múrsins fræga. Nú hafa dómstólar dæmt að ríkisstjórn hans verði að lúta "remain in Mexico" stefnu Trumps samkvæmt dómsúrskurði. Eyðingarstefna (stefnuleysi frekar) hefur leitt til áhlaups í bókstaflegri merking á landamæri Bandaríkjanna. 1.7 milljóna manna hafa farið ólöglega yfir landamærin (sem vitað er um) og fáir sendir til baka, ekki einu sinni glæpamenn af verstu sort, nauðgaðar og morðingjar.

Allt annað í stjórn Bidens er eftir þessu, efnahagsstefna hans virðist vera eftir kokkabók Nicolás Maduro, forseta Venesúela sem hefur náð að gera eitt olíuauðugasta ríki heims gjaldþrota og landsmenn beitingarfólk sem hungrið sverfir að. 

Verðbólga, verðhækkanir, vöruskortur og orkuskortur (eftir kokkabók sósíalista) sverfur að og Bandaríkjamenn eru hreint bálreiðir, finnst þeir hafa verið sviknir enda sagðist Joe Biden vera miðjumaður en hefur reynst lengst til vinstri. En enginn veit hver stjórnar landinu í raun, því ekki gerir hann það heldur hópur vinstrisinnaðra hugmyndasmiða, fólk sem var valið eftir kynþætti, kyni eða öðrum þáttum sem skipta engu máli þegar þarf að ráða hæft fólk til starfa.

Það sem leitti til að almenningsálitið breyttist var klúðrið í Afganistan, sem var svo auðljóst vanhæfni að herforingjar framtíðarinnar í West Point munu læra um brotthvarf Bandaríkjahers þaðan og HVERNIG EIGI EKKI að stjórna undanhaldi.

Fyrst braust reiði fólks út á íþróttaviðburðum ósjálfrátt þegar það byrjaði að kyrja "f...Joe Biden" en þegar vinstrisinnuð fréttakona annað hvort misskildi eða vildi ekki skilja hvað fólk var að hrópa, sagði í staðinn "Lets go Brandon", varð það að herópi reitt fólks. 

Vinsældirnar eru komnar niður í 36% (allt Demókratar á bakvið þessa tölu) en meira segja Demókratar vilja ekki að hann bjóði sig aftur fram, því mikill meirihluti er gegn því.

Maðurinn er svo áttavilltur að hann getur ekki sagt tvær setningar án þess að mismæla sig, það þrátt fyrir að hafa textavél fyrir framan sig.

En af hverju sagði ég að það styttist í endalokin fyrir Joe Biden? Margir fréttaskýrendur halda að andleg heilsa hans muni koma honum úr embætti og hann eigi 1 ár eftir, þegar úrslit "midterm" kosningana til Bandaríkjaþings hefur leitt til stórsigurs Repúblikana.

Persónulega held ég Demókratar (með hjálp Repúblikanar) noti spillingarmál Biden til að koma honum úr embætti (lítur betur út en að þeir hafi kosið sér sem til leiðtoga elliæran mann).

Skítalyktin í kringum Biden fjölskyldunnar hefur lengi legið í loftinu, en með hjálp meginfjölmiðla, hefur þeim tekist að þagga niður spillingarmál eins og "Laptop from Hell" hefur leitt í ljós.  Sterk tök Demókrata innan æðstu koppa CIA og FBI hefur komið í veg fyrir að málsóknir hafa verið höfðaðar.

En þegar drullan er svo mikil að það flæðir yfir úr, og ekki hægt að þagga sannleikann alfarið, þá kemur hann hægt og rólega fram.

Þessar fréttir eru í bandarískum fjölmiðlum í dag og fjalla um sterk tök kínverska kommúnistaflokksins á Joe Biden sjálfan og son hans (líka bróðir Joe Biden), svo sterk að þeir þora ekki einu sinni að minnast á upptök kórónuveirunnar í rannsóknarstofu í Wuhan. Sjá slóðirnar að neðan....mun bæta fleiri við...enda er fréttin að þróast...

Laptop from Hell - Maria Bartiromo

Dan Bongino slam Hunter Biden over ties to China

 

 

 

 

 

 

 

 

Athugasemdir

[Þröstur R., 30.11.2021 kl. 12:57]

Er að sjá á umræðu hjá misvitrum einstaklingum sem hafa þó verið gjarnir á að spá rétt áður að Hillary Clinton mun koma inn sem VP og Harris verður sett af og í Supreme Court. Þetta á að gerast á fyrstu 2 mánuðum 2022. Það verður svo fyrir mid term kosningana í US að Joe Biden mun stíga til hliðar útaf heilsufarsástæðum og Hillary Clinton mun verða Forseti. Er ekki að halda neinu fram en þetta er áhugarverð pæling samt sem áður. Það er haldið fram að lagalega séð þá er þetta hægt.

[Birgir Loftsson, 30.11.2021 kl. 14:08]

Takk fyrir þetta Þröstur.  Já, hef verið að pæla í forseta kapallinum, hvernig hægt væri að sniðganga Kamala Harris sem er óvinsælasti varaforseti allra tíma (þótt hún sjáist sjaldan opinberlega).

Varaforsetinn - ásamt forsetanum - getur verið dæmdir úr embætti vegna embættisafglapa. Það er ekki að gerast hér, því að hún hefur akkúrat ekkert gert í embætti.

Stjórnarskráin veitir þinginu vald til að ákæra og fjarlægja forsetann, varaforsetann og aðra alríkisfulltrúa fyrir landráð, mútur og aðra stórglæpi og misgjörðir. Aftur er það mjög erfitt, því eins og áður sagði, hefur hún ekkert gert af sér nema að vera óvinsæl.

Til að koma varaforseta frá völdum þarf atkvæði þingsins og tveir þriðju hlutar atkvæða í öldungadeildinni: sem er klúðurslegt mál en gerlegt.

Það eru líka aðrar leiðir til að koma varaforsetanum úr embætti.

Ef forseti deyr, segir af sér eða er neyddur til að víkja úr embætti vegna ákæru á hendur honum, myndi varaforsetinn taka við af honum. Í þeim tilfellum myndi varaforsetinn missa vinnuna sína en fá stöðuhækkun. Það vill enginn og þess vegna hangir Joe Biden inni, jafn vanhæfur og óvinsæll og hann er í dag.