Aumingjaspjaldinu veifað - verðskuldað?

Enn heldur farsinn áfram með listamannalaun eða rithöfundalaun nánar til tekið. Stefán Einar Stefánsson fær það enn óþvegið fyrir að voga sér að gagnrýna útdeilinu þessara gæða sem fáir fá en margir vilja. 

Andri Snær "Stefán Einar hefði mátt gefa sér betri tíma til að kynna sér málefnið"  er búinn að svara og nú síðast Gunnar Helgason „Skrýtið að veifa aumingjaspjaldinu“

Báðir aðilar fara auðljóslega í manninn en ekki málið sem er verið að ræða og hvað er það? Jú, listamenn eru að fá tugir milljóna króna úr almannasjóðum, sem  við skattgreiður borgum í og eigum rétt á að vita hvernig fénu er ráðstafað. Þetta er réttlætismál innan rithöfundastéttarinnar (þar sem sumir virðast vera áskrifendur) og réttur skattborgaranna að skattfénu sé ekki sólundað. Stefán var ekki að tala neitt um aumingjaspjald, aðeins Gunnar Helgason. Ekki heldur Gunnar að rithöfundar séu aumingjar?

Efnislega geta þessu færu rithöfundar, með sínu miklu rithæfileika mótmælt efnistökum sem er; er réttlætilegt að listamenn séu á spenanum hjá Jóni og Gunnu, skattborgurum og hvers vegna svona "vinsælir" rithöfundar þurfa meðgjöf á meðan aðrir óþekktir geta skrifað bækur (í frítímum)? Dragast sölutekjur (sem ættu að vera háar, því jú þeir eru "vinsælir" rithöfundar) frá ölmusunni? 

Umræðan, ef kallað má umræðu, virðist vera meira skítkast, er á lágu plani. Það má til dæmiis ræða, ef menn vilja yfir höfuð hafa þetta kerfi áfram, hvort það séu ekki aðrar leiðir til að dreifa styrkjunum og efnilegir rithöfundar komist að kökunni?

Grípum niður í umræðuna, sem ber vitni um gæði hennar! Hér er vísað í orð Gunnars Helgasonar: "En ekki af honum sko, Stefáni – en Stefán kallaði bróður minn hrotta og ofbeldismann og ég veit ekki hvað hann hefur kallað aðra. Það hefur enginn sagt svoleiðis við Stefán, og þetta er svo skrýtið að veifa aumingjaspjaldinu þegar þú ert sá sem ert að ráðast á," sagði Gunnar sem sagði leiðinlegt að nota nafn Charlie Kirk í þessari umræðu. Skilur einhver hvað hann er að segja?

Þetta les borgarinn með morgunkaffinu og hristir höfuðið, fer út í umferðina, þar sem borgaryfirvöld gera hvað sem þau geta til að leggja stein í götu hans á leið til vinnunnar, og heldur áfram að hrista höfuðið yfir gáfnafar elítunnar sem hann þarf að vinna fyrir þann daginn... alla leiðina.

 

Athugasemdir

[Jóhann Elíasson, 4.10.2025 kl. 11:45]

Þeir "rithöfundar", sem ekki geta framfleitt sér og fjölskyldu sinni af sölu bóka sinna, eiga hreinlega að fara að vinna við eitthvað annað.  Af hverju er þetta kölluð "RITHÖFUNDALAUN en ekki "RITHÖFUNDABÆTUR"??????????