Könnun Útvarps sögu um fylgi flokka

Það virðist vera að lítið sé að marka íslenskar skoðana kannanir. Þær eru keyptar eða gerðar þannig úr garði, að niðurstaðan er fyrirsjáanleg. Kannski var nýleg könnun Maskínu um fylgið við ríkisstjórnina ein slíkra en þar kemur fram ótrúlegt fylgi Viðreisnar og Samfylkingar.

Maður fer því að bera meiri virðingu fyrir óvísindalega könnun fjölmiðla eins og Útvarps sögu, sem leyfir lesendum að taka þátt í netkönnun og niðurstaðan eins óvísindaleg og hægt er. T.d. vitum við að hlustendur US eru flestir á ákveðnum aldri og það skekkir kannski myndina. En ef svo er, þá vitum við a.m.k. hvert fylgi stjórnarflokkanna er hjá hlustendum Útvarps sögu! Það er ekki mikið!  Svo vitum við að megin fjölmiðlar eru flestir vinstri sinnaðir og eru með síams tvíburunum í liði. Lítið að marka þá.  

Niðurstaðan var eftirfarandi:

Stjórnarandstöðuflokkunum (Sjálfstæðisflokki, Framsókn, Miðflokki): 75,9%

Stjórnarflokkunum ( Samfylkingu, Flokki fólksins og Viðreisn) 24%.

Athugasemdir

[Jónatan Karlsson, 29.7.2025 kl. 16:32]

Sæll Birgir.

Ég sá þessa könnun í morgun, en gat ómögulega kosið með þessari svokölluðu stjórnarandstöðu, Sjöllum, Framsókn og Miðflokki, því þeir fyrrnefndu hafa verið við stjórnvölinn undanfarin ár og Miðflokkur virðist líka grút máttlaus.

Það vantar nýjan valkost, mögulega í t.d. átt til Arnars Þórs og Útvarps sögu liðsins?

[Birgir Loftsson, 29.7.2025 kl. 20:01]

Sæll Jónatan.  Já, hárrétt hjá þér, það vantar einmitt Arnar Þór eða einhvern svipaðan aðila. Ég er búinn að skammast mikið út í Flokk fólksins sem ég batt miklar vonir við en Arnar virðist genghell maður sem þorði í íhaldið.  Skil ekki stefnu Miðflokksins í fiskveiðimálum og segi pass við henni, því ég fylgdist ekki með þeirri umræðu. Í næstu kosningu kýs ég flokk sem vill lækka skatta, þoli ekki að 80% af launum mínum endi í ríkisstjóð.

[Jóhann Elíasson, 29.7.2025 kl. 21:23]

Algjörlega sammála ykkur strákar.  Kannski er fólk að átta sig á því að það eru menn eins og Arnar Þór Jónsson, sem þetta land þarf á að halda eigi ekki allt hérna að fara til andskotans.....

[Guðmundur Ásgeirsson, 30.7.2025 kl. 01:40]

Ef niðurstöður einhverra skoðanakannana eru fyrirsjáanlegar eru það helst þær sem birtast á heimasíðu Útvarps Sögu.