Talaðu ensku eða farðu úr landi mínu! ....og aðeins um Ísland

Trump fyrirskipar að AÐEINS enska verði notuð í skólum, sjúkrahúsum, ríkisstofnunum og allri opinberri þjónustu. Donald Trump forseti í forsetatilskipun lagði bann við að öll önnur tungumál en enska verði notuð.

"Talaðu ensku eða farðu úr mínu landi".

Frá og með ágúst verður enska eina opinbera tungumálið sem er viðurkennt í Bandaríkjunum. Samkvæmt þessari stefnu mun öll opinber þjónusta, þar á meðal skólar, sjúkrahús og ríkisstofnanir, aðeins veita þjónustu á ensku.

Opinber skilti, eyðublöð og vefsíða munu hætta að nota spænsku. Tvítyngd valmöguleikar verða ekki lengur taldir staðlaðir. Trump segir: "Ef þú vilt búa í Bandaríkjunum, talaðu ensku. Það er tungumál lands okkar."

Trump sagði einnig að sameinað tungumál styrkti þjóðarvitund og stuðlaði að félagslegri aðlögun. Hann sagði einnig að ákveðnir hópar væru að nýta sér sundrungu tungumála til að "veikja" Bandaríkin. Þetta hefur einmitt verið lykillinn að því að gera Þjóðverja, Ítali, Kínverja o.s.frv. að nýjum Bandaríkjamönnum, að kenna ensku, siði og venjur landsins.

Það er kannski margt umdeilt sem Trump gerir (allt virðist vera umdeilt sem maðurinn gerir, líka friðarsamningar), en þetta er ekki vitlaus hugmynd.  Það er nefnilega stríð í gangi á milli ensku og spænsku í Bandaríkjunum og hingað til hefur enskan verið á stöðugu undanhaldi.  Það eru næstum 350 milljónir íbúar í Bandaríkjunum og þar af 66 milljónir spænskumælandi. Ef íbúar landsins ætla að búa saman og getað tjáð sig við alla aðra íbúa, hlýtur að þurfa að vera eitt opinbert tungumál.

Sama þróun er á Íslandi, maður kemst ekki í gegnum daginn án þess að tala ensku. En það er einn hópur sem fær sérmeðferð hjá t.d. RÚV en þar er boðið upp á pólsku mælandi fréttir.  Er þetta góð leið til að aðlaga Pólverja inn í íslenskt samfélag? Man eftir þegar Danir réðu ríkjum á Íslandi, þeir höfðu aldrei fyrir því að læra íslensku en íslenskir embættismenn bjuggu til hrognamál úr dönsku og íslensku til að tjá sig.  Hér kemur dæmi:

"Þar eð svo háttaði til, að vér urðum að kveðja umræddan mann fyrir rétt…"
- Dönsk áhrif: "Deres så det til, at vi måtte indkalde nævnte mand for retten…" eða "…með því að Kristur hefur afmáð syndir vorar með dýrðlegu blóði sínu." - sambærilegt við dönsku: "...fordi Kristus har udslettet vore synder med sit herlige blod."

Fyrir 2008 vildi viðskiptalífið aðeins tala ensku...sem betur fer fekk það ekki að ráða.

Er ekki tími til kominn að verja íslenskuna og gera hana að eina opinbera tungumálið á Íslandi? Hvar er Miðflokkurinn? 

Athugasemdir

[Jóhann Elíasson, 27.7.2025 kl. 18:09]

Frábær færsla, sem ráðamenn landsins ættu að lesa og hafa í huga......

[Ragnar Geir Brynjólfsson, 27.7.2025 kl. 19:59]

Gott kvöld Birgir. Já, það eru vísbendingar um að aðferðafræði íslenskrar málstefnu þarfnist bæði uppfærslu og skýrari pólitískrar stefnumörkunar, sjá pistil sem ég skrifaði um málefnið: https://ragnargeir.blog.is/blog/ragnargeir/entry/2312237/

[Birgir Loftsson, 27.7.2025 kl. 20:53]

Takk fyrir Ragnar og Jóhann. Vandamálið er að á Alþingi velst ekki leiðtogar, heldur skrifstofufólk. Það tekur aldrei  ákvörðun á eigin vegum. Á meðan er engin stefna tekin í mikilvægustu málum Íslands, það er varðveisla íslenskunnar, menningu og siði. Ætlum við að verða útlendingar í eigin landi? Mjög líkleg örlög örþjóðar eins og Íslendinga. Á meðan forystusauðir þjóðarinnar eru bara sauðir, gerist ekki neitt.