Kristrún í klemmu á NATÓ ráðstefnu

Kristrún forsætisráðherra er nú að klóra sér í kollinum og segja við sjálfa sig: “Hvað er ég að gera hér á NATÓ ráðstefnu, með engan her og 0,14% af vlf til varnamála?” Vonandi talar hún ekki við Trump…sem væri vís til að rukka fyrir hervernd Íslands.  Suður-Kóreumenn og Japanir þurfa að borga fyrir sína.

Hún talar um að fara upp í 1,5% af vergri landsframleiðlu sem á að fara til varnarmála. Auðvitað á hún að efla fyrst og fremst Landhelgisgæsluna, sem á úreldan tækjabúnað og lítinn. Breyta hlutverkinu og gera hana að samblöndu af herflota og landhelgisgæslu eins og Bandaríkjamenn gera við sína landhelgisgæslu.

Í aðsendri grein á Vísir segir hún sömu lummuna um friðsamt Ísland og engan íslenskan her. Kemst hún upp með það? Þetta 1,5% á mest að fara í innviðabyggingu (sem hvort sem er hefði verið farið í) á 10 árum. Sem verður svo svikið þegar Trump fer frá völdum. Það á sem sagt að sleppa billega áfram.  

Vandi Kristrúnar er að hún er búin að tala illa um Trump, a.m.k. gagnrýnir hún hann. Bandaríkjamenn eru engir kjánar og sendiráðsmenn vita um ESB draumóra Viðreisnar og Samfylkingarinnar og hvernig íslenskir leiðtogar tala um Trump.

En NATÓ er greinilega ekki að liðast í sundur eins og menn óttuðust. Menn skríða eftir gólfinu fyrir Trump á fundinum og heita 5% af vlf í varnarmál. Trump er hættur við að skilja við NATÓ. Erlendir leiðtogar eru farnir að þrýsta á Íslendinga að gera meira en að leggja bara fram land. Dagar "free lunch" eru á enda. En þetta skilur íslenskur almenningur ekki né stjórnmálaelítan. Ekkert ríki getur verið án varna né leggja ekkert fram um eigin varnir. 

 

Athugasemdir

[Birgir Loftsson, 25.6.2025 kl. 15:36]

Almáttugur, Kristrún talaði við Trump var ég að komast að. Auðvitað bullaði hún um Gasa við hann sem kemur Íslendinga ekkert við.  Af hverju talaði hún ekki um Úkraínu sem er þó í Evrópu? Koma á vopnahlé í Gasa? Hún á að hringa í Ísraela og rífa kjaft við þá, þeir eru í stríði við Hamas, ekki Trump.  Hann mun örugglega ekki fara beint í símann og skamma þá eftir að hafa talað við Kristrúnu.