“Það má saka mig um ýmislegt en villutrú er ekki alveg rétt” segir biskup Íslands

Þetta segir biskup Íslands sem hefur innleitt mestu breytingu á bænagjörð íslensku þjóðkirkjunnar frá upphafi.

Biskup Íslands afneitar villutrú

Það er erfitt að sjá í hvaða hugarheimi biskupinn lifir í en hann (hún) lifir ekki eftir kennisetningar lúterstrúar. Bloggritari er nokkuð viss um, eftir að hafa lesið ævisögu Marteins Lúters, að hann væri nokkuð ósáttur við villuboð hennar.

Það sem er að gerast er að kenningar Kvennakirkjunnar eru að ná yfir starfsemi þjóðkirkjunnar enda meirihluti presta nú kvenmenn.

Hvað einkennir Kvennakirkjuna? Guð er oft nefndur "hún", "móðir", "skaparinn" o.fl. í myndrænum tilgangi til að spegla andlega nærveru á öðrum forsendum en hefðbundnum karlkyns hugmyndum. Sálmar og bænir eru oft skrifaðar með jafnrétti í huga, með myndlíkingum sem höfða til mæðra, dætra og systra. Áhersla á að kirkjan sé fyrir allar konur – einnig þær sem hafa upplifað jaðarsetningu, útilokun eða ofbeldi innan trúarsamfélagsins.Ýmsir prestar þjóðkirkjunnar hafa tekið þátt í starfi hennar, meðal annars sr. Guðbjörg Ríkey Thoroddsen og sr. Sólveig Lára Guðmundsdóttir (fyrrverandi vígslubiskup).

Gengur þetta gegn kenningum Lúthers og hefðbundinni kristinni trú? Frá lútherskri sjónarhóli á 16. öld: Já, slíkar breytingar á mynd Guðs hefðu verið túlkaðar sem villutrú. Lúther lagði áherslu á að opinberun Guðs væri í Kristi (sem karlmaður), og að ritningin væri hið æðsta viðmið. Guð er þar oft kallaður faðir og Jesús sonur. Í nútíma Þjóðkirkju: Nei, samkvæmt núverandi kennivaldi Þjóðkirkjunnar er þetta hluti af fjölbreytileika í guðsmyndum og talinn fallast undir leyfilega guðfræði. Þetta er ekki opinber kenning heldur túlkun nokkurra presta og guðfræðinga. Spurningin er hvort biskup er að fara af opinberri stefnu Þjóðkirkjunnar og í lið nokkurra sérlundaða presta? Geir Waage, fyrrverandi prestur í Reykholti er átóritet í kristnum fræðum og hann er ekki sammála biskupi.

Sem mótmælenda kirkja má Þjóðkirkjan vera Kvennakirkja en sem Lútertrúar kirkja MÁ HÚN ÞAÐ EKKI. Þarf Þjóðkirkjan ekki að endurskýra sig með öðrum formerkjum en Lútertrúar kirkja?

Hér er satíra frá grínustunum í Babylon bee um woke Jesús, þar gert grín að woke hugmyndafræði nútímans. Því miður er þetta fúlasta alvara í raunveruleikanum.

 

 

 

Athugasemdir

[Ingólfur Sigurðsson, 21.6.2025 kl. 02:23]

Það er hörmulegt hvernig þetta er orðið. Óskhyggjan er látin ráða. Það hentar valdasjúkum femínistum að breyta Jahve í konu, þar sem femínisminn snýst ekki um jafnrétti, heldur að kúga karla hvað sem það kostar og snúa feðraveldinu á hvolf, níða karllæg gildi, eyðileggja menninguna, búa til valdapíramída með konur efstar, útvaldar í kommúnistaflokkunum nýju, með hjálp alþjóðastofnana.

Það er skrýtið að nokkur sómakær maður geti haldið því fram að þetta hafi eitthvað með kristni að gera sem nú fram fer í kirkjum kvennanna.

En fólk hefur trúarþörf. Það hefur lært að láta eiginlega allt yfir sig ganga.

Ég er ánægður með að fólk skrifar um þetta, til að láta ekki ginnast af þessu.

[Birgir Loftsson, 21.6.2025 kl. 12:09]

Takk fyrir innlegg þitt Ingólfur.  Maður skrifar bara um það sem maður sér og þetta er svart á hvítu hvert þjóðkirkjan er að fara. Hún er búin að missa allt jarðsamband við uppruna sinn. Hvað næst? Imanir með múslimskt bæna hald í Dómkirkju Íslands?