Hvað er þríeindin? Getur Jesús verið guð?

Þetta grunnatriði kristinnar trúar vefst fyrir jafnvel kristið fólk. Hér er þetta útskýrt. Þríeindin (eða þrenningin) er eitt af meginhugmyndum kristinnar trúar, og hún lýsir eðli Guðs eins og kristnir menn skilja hann. Hún felur í sér að Guð sé einn en birtist í þremur persónum:

1. Faðirinn – skapari alheimsins, Guð almáttugur.

2. Sonurinn – Jesús Kristur, sem varð maður og lifði á jörðinni, dó og reis upp frá dauðum.

3. Heilagur andi – kraftur Guðs sem virkar í heiminum og í hjörtum fólks.

Hvað þýðir þetta?

Kristnir menn trúa því að það sé aðeins einn Guð, en þessi Guð birtist í þremur persónum sem eru ekki sami einstaklingurinn, en samt jafn guðlegar og samverka alltaf. Þetta er ekki þrenning guða heldur þríeind eins Guðs.

Tökum dæmi um vatnið. Það getur verið í þremur formum: ís, vökvi og gufa – en það er samt allt sama efnið: H2O. Eða maður getur verið faðir, sonur, og vinur – þrjár mismunandi aðgerðir eða tengsl, en samt sami einstaklingurinn. (Þó þessi samlíking nær ekki alveg guðfræðilegri dýpt þríeindarinnar.)

Held að fólk skilji þetta þannig almennt að Jesús sé sonur guðs (önnur "persóna") og hinn heilagi andi sé einhvers staðar þarna svífandi yfir öllu sem er rangt.

Í hefðbundnum kristnum skilningi (frá fyrstu kirkjuþingunum og áfram), þá er Jesús sonur Guðs – en ekki í skilningi sem við myndum nota um mannlegt foreldri og barn. Það er dýpri og guðfræðileg merking að baki.  Við getum því kallað Jesús son guðs ef við viljum, auðveldara að muna!

 

Athugasemdir

[Guðmundur Örn Ragnarsson, 22.4.2025 kl. 17:56]

Birgir Loftsson. Þökk sé þér fyrir þennan ágæta pistil um Guð, að Hann sé einn.

Það er skírt tekið fram bæði í GT og NT að Guð sé einn, en hvergi kemur fram að Hann sé þríeinn. Orðið þrenning er heldur ekki til Biblíunni um Guðdóminn. Dæmi þitt um vatnið hefur oft verið notað til að skilgreina þetta og hygg ég að það fari nokkuð nálægt raunveruleikanum, því sem er.

En þú segir réttilega að Guð birtist í þremur persónum, en þó aðeins ef við skiljum orðið persóna, sem hlutverk, en ekki sem einstakling. Orðið persóna þýðir í nútímanum einstaklingur, en það var ekki svo, það þýddi allar aldir hlutverk eins og í leikhúsi enn í dag. Einstaklingur getur farið í hlutverk margra persóna. Eins og þú tekur dæmi um sjálfur. Til dæmis er ég sjálfur sonur, faðir og bróðir, svo eitthvað sér nefnt.

Guð Faðir, Guð Sonur og Guð Heilagur Andi er því einn einstaklingur í þremur hlutverkum. Hann sagði Móse að nafn sitt væri ÉG ER. (Ex. 3:16). Þeir spurðu Jesú. Hver ert þú? Því sagði Jesús: Þegar þér hefjið upp Mannssoninn, munuð þér skilja, að ég er ÉG ER. (Jóh. 8:25;28)