Hryðjuverkaógn á Íslandi - í hvaða heimi lifir ríkislögreglustjóri?

Ríkislögreglustjóri hefur miklar áhyggjur af hryðjuverkaógn. Sjá má það af hættustigs mati stofnuninnar en það er á þriðja stigi hryðjuverkaógnunar en það er skilgreint sem aukin ógn og að til staðar sé ásetningur og/eða geta og hugsanleg skipulagning hryðjuverka.

Hryðjuverkaógn á Íslandi – Segja einstaklinga hér á landi langa og geta framið voðaverk

En er ríkislögreglustjóri að líta í rétt horn og hverjum er um að kenna að fyrrum friðsama Ísland er ekki lengur friðsamt og hættulaust land? Sjá má breytan heim á Íslandi í fjölda morða á landinu sem hefur náð nýjum hæðum.

Byrjum á byrjunni. Auðvitað er vitað að ef Ísland er með opin landamæri, hleypur stórum hópum inn með ólíka menningu, að misjafn sauður læðist með. Því stærri sem hópurinn er sem kemur inn, því fleiri úlfar í sauðargærum. Í Bandaríkjunum er erlendir glæpamenn um 600 þúsund talsins - hve margir á Íslandi? Hverjum er um að kenna? Vinstri sinnuðum stjórnmálamönnum og ístöðulausum Sjálfstæðismönnum sem hafa leyft ástandinu að þróast svona.

En hvað með mat ríkislögreglustjóra? Hægri öfgamenn? Bloggritari hefur aldrei orðið var við slíka hópa á landinu, fyrir utan tveggja drengja sem töluðu sín á milli um slíka drauma. Það mál fór eins og það fór.

Stóra myndin í Evrópu og á Íslandi, og allir vita af henni, er að hætta stafar af öfgasinnuðum múslimum og erlendum glæpahópum sem ógna almannaöryggi. Hópar öfga hægri manna eru til í Evrópu, en á bágt með að trú að slíkir hópar séu til á Íslandi. Örugglega einstaklingar en varla skipulagðir hópar.  

Í raun ætti greiningadeildin að gera ráð fyrir það óhugsandi. Hryðjuverkmenn reyna einmitt það ómögulega og stundum tekst það. Dæmi: árásin á Bandaríkin 2001. Eftir Yom Kippur stríðið 1973, ákváðu Ísraelmenn að setja saman hóp manna sem einmitt reyndu að finna út það ómögulega og vinna gegn því.  Það hefur greinilega ekki staðist tímans tönn því þeir voru gripnir óundirbúnir 7. október 2023. Þeir vanmáttu andstæðinginn.

Hvað er gert til að tryggja öryggi okkar? Ekkert að því virðist, því að það er enn ekki búið að laga meingölluð útlendingalög frá 2016 (lagfæringin sem gerð var, var ekki nóg). Ástandið er látið þróast þar til að þjóðfélagið liðast í sundur og viðvarandi öryggisleysi borgaranna er í samfélaginu.

 

Athugasemdir

[Ásgrímur Hartmannsson, 11.4.2025 kl. 17:00]

Ríkið er á fullu að hleypa inn allskyns liði frá Hamas og ISIS, og kemur þeim fyrir á kostnað landans.

Nú þegar erum við með 3-4 gaura sem verða farnir að fremja gróf brot eins og nauðganir eftir 2-3 ár. Það stendur ekkert til að hrófla við þeim.

"Hægri öfgamenn" eru það síðasta sem þeir ættu að hafa áhyggjur af, á eftir skinku sem er tvem dögum frá síðasta söludegi.

En nei.  Þeir ætla sér að sæoppa einhverjar geðveikar kellingar sem eru enn brjálaðar eftir kóvitleysuna.

[Birgir Loftsson, 11.4.2025 kl. 17:08]

Sæll Ásgrímur. Kannski þorir greiningadeildin ekki að segja satt. Það væri fróðlegt að vita hverjir eru starfandi í þessari greiningadeild.  

Ekki gleyma að þessi deild er ígildis leyniþjónustu og ef starfsemi þeirra er öflug, þá vita þeir sannleikann. Ef þeir eru of fáliðaðir, þá geta þeir fengið upplýsingar frá erlendum leyniþjónustum.  

[Ingólfur Sigurðsson, 12.4.2025 kl. 01:22]

Þetta er allt hægt að skýra út með því að lögreglan er pólitísk, eins og skólarnir, flestir fjölmiðlar, og vinstrivitleysan er þeirra átrúnaður, þetta fólk er ekki í raunveruleikanum, telur allt rétt sem demókratar segja, fátt rétt sem repúblikanar segja.

Því miður lifum við á þessum tímum að búið er að innræta almenningi vitleysu, og opinberar stofnanir gengnar af hjörunum af sömu ástæðu.

Á meðan heldur þróunin áfram og við verðum líkari Svíþjóð. Þessu var búið að spá, og það rættist. 

Að herma eftir ESB, í því felst að vera fullorðinn að mati yfirvaldanna. Við höfum verið á þeirri braut í marga áratugi.

Stofnanavaldið má sín meira en sjálfstæðir pólitíkusar, og Sjálfstæðisflokkurinn geldur þess.

Ég útiloka ekki að hægriöfgamenn geti verið hættulegir eins og aðrir, en þeir skemma mest fyrir þjóðernisstefnunni með ofbeldisaðgerðum og eru ekki sönnum þjóðernissinnum til sóma, alls ekki.

En ég met það þannig að um leið og þjóðin verður klofnari og sundurlausari, með fleiri þjóðabrotum, þá aukist spennan sjálfkrafa. Það að taka út einn hóp og telja hættulegastan, hægriöfgafólk, það lýsir því hversu pólitískir þannig aðilar eru og fullir af fordómum gagnvart sumum.

Þetta fólk lítur ekki í eigin barm. Viðurkennir ekki að það hefur sjálft aukið spennustigið.

En það er rétt, að svona hópar eru stundum vísir til vandræða. En bara miklu fleiri líka.

[Birgir Loftsson, 12.4.2025 kl. 08:08]

Það er ekki hægt annað en að vera 100% sammála þér. Það vita þetta allir hugsandi menn.