"Sjokkerandi" að sjá hernaðaruppbygginguna á Miðnesheiði segja her andstæðingar

Þegar andstæðingar NATÓ segjast vera á móti her umsvifum á Íslandi, þá er eins og þeir séu í miðri setningu og klára hana ekki. Til dæmis heyrir maður þá aldrei segja, hvað á að koma í staðinn?  Manni grunar að þeir vilji að Ísland lýsi yfir hlutleysi, segi sig úr NATÓ og "herinn burt" en það kemur aldrei fram í fjölmiðlum. Bara að þeir séu í "sjokki".  „Sjokkerandi“ að sjá hernaðaruppbygginguna á Miðnesheiði

Ókei, segjum að Ísland lýsi yfir hlutleysi, er það næg vörn? Hvað segir sagan okkur? Nei, hér var barist um yfirráð landsins í seinni heimsstyrjöld.  Hefur staða Íslands geopólitískt og hernaðarlega séð breyst síðan? Nei, ef eitthvað er, hefur vægi Íslands í vörnum NATÓ aukist (GIUK hliðið) og það endurspeglast í auknum umsvifum NATÓ herstöðvarinnar. Nú eru Bandaríkjamenn bókstaflega að dusta rykið af herstöðvum í Asíu, sbr. herflugvöllinn í Tinian eyju og það gæti gerst að þeir sjái ástæðu fyrirvaralaust að senda hingað setulið. Þeir eru að búa sig undir stórstyrjöld í Asíu og stórátök í dag eru heimstyrjaldar ástand eða að lágmarki álfu styrjöld.

Svo er það stóra spurningin, getur heimurinn verið án herja? Ef herstöðvaandstæðingar eru að láta sig dreyma um herlausan heim, þá eru þeir veruleikafirrtari en maður bjóst við. Af hverju fór mannkynið að koma sér upp vopnuðu liði yfir höfuð? Söguna má rekja 10 þúsund ár aftur í tímann, þegar maðurinn hóf akuryrkju.  Það þurfti að verja uppskeruna sem tekur tíma að vaxa, fyrir ránum hirðingja í hálfmánanum. Fastaherir urðu svo til með borgríkjum Súmer og fylgt siðmenningunni allar götur síðar.

Í einföldustu mynd snýst þetta um þá sem eiga og þá sem langar að fá....með góðu eða illu.  Við eigum GIUK hliðið sem við höldum að aðrir vilja fá.  Þess vegna er hér herstöð....herstöðva andstæðingum til hrellingar en okkur hinum til verndar.

Athugasemdir

[Ásgrímur Hartmannsson, 12.12.2024 kl. 14:26]

Hernaður á sér rætur langt fyrir tíð mannkyns ein og við þekkjum það.
Apar herja á aðrar tegundir apa, oft til þess að borða þá.  Nokkuð sem dýralífsmyndagerðamenn vilja minnst ræða um.

Þetta er bara eitthvað sem er.

Ef Sovétið hefði ná Íslandi á sínum tíma, þá væru engir herstöðvarandstæðingar.
Þetta snýst nefnilega ekkert um andstæðu við her eða stríð.  Bara alls ekki.

[Birgir Loftsson, 12.12.2024 kl. 17:26]

Sæll Ásgrímur, á Netflix er frábær þáttaröð um simpasa flokk einn. Ótrúlegt en satt, aparnir fara í "stríð", vakta landamæri og á meðan fylgst var með þeim, var einn simpasinn drepinn af óvinaflokk.

Forfeður okkar drápu og átu andstæðinga sína og gerðu lengi vel í Papúa Nýja-Gíneu.  Frændi Joe Biden að sögn hans var flugmaður í seinni heimsstyrjöld, lenti í klóm mannæta eftir nauðlending og var étinn! Hahaha!