Hvernig þróast stríðsátökin í Miðausturlöndum?

Það er að komast skýrari mynd á átökin og hvert þau stefna. Svona stefna þau líklega. Ísraelar loka og taka yfir landamæri Gaza við Egyptaland og koma þannig í veg fyrir frekari smygl á vopnum til svæðisins.

Ef mið er tekið af Líbanon stríðinu 1982, linna þeir ekki látum fyrr en Hezbollah er svipt völdum. Þannig var það með PLO, hersveitir þeirra voru reknar úr landi og fullur sigur í höfn.

Varðandi Íran, þá sjá Ísraelar (búnir að bíða lengi eftir tækifæri) til að ráðast á kjarnorku framleiðslu stöðvar þeirra. Valið er á milli þess að taka út kjarnorkugetu Írans eða olíu framleiðslu þeirra en 50% af útflutningi þeirra er olía og gas.

Þessi leið mun leiða til olíuskorts og átök við nágrannaríki og því ekki líkleg. En þeir verða að taka út kjarnorkuvopna framleiðslu Írana, annars hangir sú hætta stöðugt yfir. Svo munu þeir halda áfram að drepa háttsetta leiðtoga innan Írans og hjálpa andspyrnuhreyfingar ásamt CIA að velta ríkisstjórninni úr sessi.

Athugasemdir

[Ásgrímur Hartmannsson, 9.10.2024 kl. 18:44]

Þeir virðast vel á veg komnir að traðka Hamas niður, svo það endar vonandi að eilífu.
Hisbolla virðist ganga merkilega vel að eiga við, með algeru lágmarks mannfalli.

Íran sé ég ekki alveg að þeir geti sigrað.  Þeir þurfa að ræða við þá.  Það er engin stemming fyrir slíku í augnablikinu.  Ekki súper-sniðugt að berjast við ríki svona langt frá.

Við þurfum að bíða í mánuð, kannski tvo.  Sjá hvernig ástandið beytist þá, ef eitthvað.

Annars er það allt akademískt.  Ekki okkar vandi.

[Birgir Loftsson, 10.10.2024 kl. 10:44]

Menn gleyma Ásgrímur að það eru 1000 km á mili landanna. Það verður aldrei landhernaður. Bara skeyta sendingar! En spurningin er hvort aðrir fari að skipta sér af og það verður alls herjar styrjöld. Vandamálið er kjarnorkuvopnaeign Írana. Ef þeir fá að halda sínum, þá vilja allir hinir vera í kjarnorkuklúbbnum.