Lélegasti utanríkisráðherra í sögu íslenska lýðveldisins

Það er ekki hægt annað en að taka undir orð Frosta Sigurjónsonar um Þórdísi Kolbrúnu Reykfjörð Gylfadóttir utanríkisráðherra sem virðist vera að búa til einka utanríkisstefnu, þvert í hefðir og venjur sem hafa myndast í íslenskri utanríkisstefnu síðan utanríkisþjónustan var formlega stofnuð 1940.

Rauði þráðurinn síðan þá, hefur verið að skipta okkur ekki með beinum hætti af valdabrölti stórveldana og allra síst ef þau fara í stríð.  Við höfum skipað okkur í raðir vestrænna ríkja og sótt herskjól til þeirra en þagað eða miðlað ef vopnin eru dregin fram.

Það er eins og utanríkisráðherra geti ekki sagt nei, eða beðið um undanþágur varðandi álögur á eldsneyti flugvéla sem hér lenda, né sagt nei við flutningagjalda (mengunarskatta) sem lagt er á innflutning vara með skipum. Hún þorir ekki að segja nei við bókun 35, þótt hún beinlínis fari í bága við stjórnarskránna. Og hún eltir galna Biden stjórnina í stríðsbrölti hennar sem nær ekki nokkri átt. Engum dettur í hug að nota diplómatanna, hvorki Bandaríkjamenn né Íslendingar eða aðrir vestrænir leiðtogar.

Syndalistinn er langur en kannski er mesta afhroðið bein þátttaka í Úkraínu stríðinu með vopnasendingum og slit stjórnmálasambands við Rússland.  Nokkuð sem engum utanríkisráðherra datt í hug á dögum kalda stríðsins sem á köflum var ansi heitt. Engin sjálfstæð utanríkisstefna er í gangi, það er íslensk utanríkisstefna. Hópurinn er bara eltur.

James Bond Sjálfstæðisflokksins með svísu hópinn í kringum sig er að draga aldargamlan hægri flokk niður í svaðið, hægt og rólega. Skyldi flokkurinn ná að verða hundrað ára 2029? Eða skellir formaðurinn í lás í Valhöll eftir næstu kosningar? Geri ráð fyrir að hann láti sig hverfa áður en að skuldadögum kemur....

Fer hörðum orðum um Þórdísi – „Einn versti utanríkisráðherra sem við höfum haft“

Athugasemdir

[Guðjón E. Hreinberg, 4.10.2024 kl. 17:35]

Bestu dagarnir á blogginu eru þegar við erum sammála, sem er oftar en við auglýsum.

Bestu kveðjur.

[Loncexter, 4.10.2024 kl. 19:12]

Ef hún væri lessa, yrði hún og Kamala gott par !

[Birgir Loftsson, 4.10.2024 kl. 20:10]

Svona sé ég silfrið...gaman að aðrir sjá það sama en ef ekki...þá er það bara allt í lagi að vera ósammála. Það gæti skapað skemmtilegar rökræður. Góða helgi.

[Guðbjörg Snót Jónsdóttir, 6.10.2024 kl. 12:54]

Það má með sanni segja. Ef Bjarni ákveðjur að hætta, sem ég vona, að hann geri ekki, þá mundi ég ekki treysta Þórdísi eina mínútu til þess að taka við keflinu hvað þá að vera forsætisráðherra. Ég mundi frekar treysta Guðlaugi Þór heldur henn henn eftir að hafa lesið grein hans um Reykjavíkurflugvöll. Mér finnst Þórdís óttalegur vingull. Ég get ekki sagt annað.

[Birgir Loftsson, 6.10.2024 kl. 19:23]

Sæl Guðbjörg, já því miður varð Guðlaugar armur Sjálfstæðisflokksins undir gegn Bjarna og co. Staðan væri kannski betri ef hann væri formaður. Sé bara engan annan sem kemur til greina en hann sem næsti formaður. Er nokkuð viss um að Bjarni muni hætta á næsta ári, ekki vill hann stjórna 12% flokki?