Um borgir og bálknið á Íslandi

Íslendingar haga sér eins og þeir séu milljóna þjóð. Með stjórnkerfi sem er risastórt miðað við fólksfjölda. Það hlýtur að vera hægt að hreinsa til og minnka bálknið. Láta skattféð fara beint í innviðina og þjónustu við borgaranna.

Samkvæmt tölum Stjórnarráðsins voru að meðaltali 21.165 starfsmenn hjá ríkinu árið 2016 og þeim hefur eflaust ekki fækkað. 

Í borgríkinu Reykjavík starfa 11 þúsund starfsmenn, í Hafnarfirði um 2000 þúsund manns og eflaust svipaður fjöldi hjá Kópavogsbæ og hlutfallslega svipað hjá Garðabæ, Seltjarnarnesi og Mosfellsbæ.

Búa mætti til tvær borgir á höfuðborgarsvæðinu sem keppa innbyrðis. Ráðherra lagði til um daginn að hér yrðu skilgreind tvö borgarsvæði, höfuðborgarsvæðið og Akureyri og nágrenni. Hvað með Árborg sem með mesta vaxtarbroddann í dag eða Reykjanesbær?  Nær væri að búa til héraðsborgir en borgir urðu til í Evrópu í kringum stjórnsetur viðkomandi héraðs eða á samgöngumótum, svo sem Selfoss og Egilsstaðir. Reykjanesbær er slíkur staður.

Athugasemdir

[Ásgrímur Hartmannsson, 2.4.2024 kl. 17:33]

Þetta er náttúrlega brilljant uppá kjósendahópinn.  Menn munu alltaf kjósa ser í hag (eða að sem menn halda að sé svo.)

Þetta verður ekki lagað.  Svona lagað hrynur alltaf.  Á endanum fá þeir ekki lán, og þá fer allt úi mauk.

Mikið grenj og gnístran tanna.

[Birgir Loftsson, 2.4.2024 kl. 19:15]

Ásmundur, ég var í milljónaborginni Mílanó um páskana. Á svæðinu búa um 5 milljónir íbúar. Fín borg en aldrei myndi ég vilja búa í stórborg. Ákjósanleg stærð á borg er 50 þúsund íbúar, sem er nægileg stærð til að veita alla þjónustu en er ekki of stór. Svo myndi maður búa 10 - 20 km fjarlægð í sveit....og sækja í borgina fyrir þjónustu, ekki búsetu.

[Birgir Loftsson, 2.4.2024 kl. 19:17]

Ásgrímur, fyrirgefðu.