Í framhaldi af grein Páls Vilhjámssonar bloggara

Ágæt grein hjá Páli og tilraun til tengingar við fyrirrennara Bandaríkjanna, Rómaveldi. Hér er sagnfræðingurinn á ferðinni! Já, sagan endurtekið sig, mennirnir eru þeir sömu. Hún endurtekur sig bara í annarri útgáfu!

En hvers vegna lýðræði BNA hverfur eftir valdatíð Trump (ef hann kemst til valda)? Fróðlegt að sjá þá framtíðarspá greinda hjá Páli. Mikið rétt, miklir brestir eru komnir í stjórnskipan landsins eftir stanslausar árásir demókrata. Helg vé eins og "impeasement"  - embættisafglapa ákæra var notuð tvisvar gegn Trump en árangur enginn og í raun til þess fallið að minnka trú almennings á alríkisstjórnina.

En það er rétt að galopin landamæri Rómverja, líkt og Bandaríkjamanna í dag, varð þeim að falli að lokum. Pax Romana, Pax Americana byggir á sömu lög og gildi borgaranna sem og sameiginlegt tungumál. Ríkisborgararétturinn er grundvöllur ríkisins og allt stjórnkerfið byggir á.

Millistéttin, frjáls og óháð, heldur lýðræðisríkjum uppi.  Það heldur enginn uppi einsleitu samfélagi ef tvö tungumál og tveir menningarheimar keppast um völdin samtímis.  Rómanska menningin er í sókn í Bandaríkjunum.  Innflytjendurnir nenna ekki einu sinni að læra ensku. Rómverjar breyttu öllum íbúum heimsveldisins í rómverska borgara en germanirnir voru of öflugir og óviljugir til að breytast á endanum. Líkt og rómanska fólkið sem fer inn fyrir landamæri Bandaríkjanna í dag án þess að spyrja kóng eða prest, gerðu germanir það líka. Við vitum endarlokin.  Bandaríkin geta ekki haldið uppi öllum heiminum, ekki frekar en Íslendingar. Það verður því að velja á milli innflytjenda.

Bandaríkin eru of öflug (nánast heil heimsálfa) til að falla algjörleg og stjórnskipan alríkisins, þar sem 50 ríki geta daginn eftir fall alríkisstjórnarinnar, tekið upp þráðinn ein og sér, sér til þess að ríkið lifir af í einhverju formi. Bara Texas eða Kalifornía ein sér eru nógu öflug ríki til að verða stórveldi morgundagsins. Við vitum meira í dag en Rómverjar og höfum fleiri tól til að bjarga því sem bjarga verður. Reynsla mannkyns er í þekkingu banka okkar.

Nóta bene, Róm féll 536 e.Kr. þegar mesta hamfaraár mannkynssögunnar átti sér stað. Öll siðmenningin féll. En samt lifðu rómverskar borgir allt til ársins 800 e.Kr., til dæmis í Köln, en annars staðar, svo sem á Bretlandseyjum hurfu þær fljótlega. En það er önnur saga. Bloggritari skrifaði einmitt grein um hvernig Róm var um 500 e.Kr.

Sjá grein mína: Féll Róm nokkurn tímann?