Lágmarksfjöldi meðmælenda til forsetakjörs

Ljóst er að lágmarksfjöldi meðmælenda til forseta kosninga er of lágur. Talað er um að miða ætti við 2,5% kjósenda sem meðmælendur sem lágmark. Sem er um rúm 6000 manns. En er það ekki svolítið hár þröskuldur? Væri 2% ekki nóg?

Þrátt fyrir fjölgun á landinu, er stór hluti þessa fólks sem býr hér ekki íslenskir ríkisborgarar. Geta þar af leiðandi ekki kosið. Það gæti reynst mörgum frambærilegum frambjóðenda erfiður þröskuldur að yfirstíga 2,5% markið, sérstaklega ef hann hefur ekkert bakland.

Ef lágmarksfjöldinn er of hár, getur það orðið þannig að elítuhópur velji sér frambjóðanda, því að það þarf fjármagn, sagt er um 15 milljónir að lágmarki, til að geta háð kosningabaráttu. Í Bandaríkjunum eru það einungis milljarðamæringar eða flokksgæðingar sem geta boðið sig fram til forseta. Málið snýst nefnilega um peninga, eins og á Íslandi.

Svo er það hin hliðin, sem 2,5% markið á að útiloka, en það eru lukkuriddarnir, sem njóta engan stuðning en bjóða sig samt fram.  22 frambjóðendur þegar Guðni var kosinn forseti, aðeins 9 náðu að safna nægilegum fjölda undirskrifta. Svo ætti að kjósa milli tveggja efstu frambjóðenda ef meirihluti næst ekki eftir kosningar. Viljum við forseta með 20% fylgi?

Guðni fékk sterka bakhjarla, svo sterka að hann var nánast "neyddur" í embættið. Fræðimaðurinn með þekkingu á forsetaembættið, skipti um stól og varð viðfangsefnið. Árangurinn má sjá nú, hann endist ekki nema tvö kjörtímabil en sagðist ætla að taka þrjú. Tilfinning bloggritara er að hann hafi aldrei fundið sig í starfinu, og hann ekki rétti maðurinn til að vera oddviti á ögurstundu eins og forsetinn á að vera. Jú, eftir allt, er þetta ekki bara punt embætti.

 

Athugasemdir

[Dominus Sanctus., 8.1.2024 kl. 13:52]

Viljum við forseta með 20% fylgi?

------------------------------------------------------------

Ef að embættið á bara að vera TÁKNRÆNT,

(setja búrku á hausinn, hoppa í sjóinn á sjómannadaginn, klæðast mislitum sokkum

og sækja erlendar þungarokkshátíðir)

skiptir það nokkru máli þó að hann hafi bara

20% þjóðarinar á bak við sig?

-----------------------------------------------------------------------

Það myndi hinsvegar gegna öðru máli

ef að hann ætti að AXLA RAUNVERULEGA ÁBYRGÐ  

á sinni þjóð,  eins  og komið hefur fram í okkar samtali áður.

Þá þyrfti hann alltaf að hafa alla vega 51% á bak við sig: 

https://contact.blog.is/blog/vonin/category/2908/

[Birgir Loftsson, 8.1.2024 kl. 14:04]

Það er alltaf nauðsynlegt að KJÖRINN embættismaður hafi meirihluta á baki sér. Jafnvel í svona embætti en það ber ábyrgð á ögurstundu, sem málskotsrétturinn er óneitanlega. Forsetinn setur Alþingi, situr ríkisráðsfundi o.s.frv. Hann ber því ÁBYRGÐ stjórnskipunarlega.