Mengun en ekki loftslagsbreytingar sem ógnar mannkyninu?

Menn hafa kannski verið að hengja bakarann fyrir smiðinn. Ef það er rétt að maðurinn eigi aðeins sök á 3% af koltvísýringi (CO2) sem hleypt er út í andrúmsloftið, þá er greinilegt að mannkynið er haft fyrir rangri sök.

En nóta bene, getum við lifað án koltvísýrings? Koltvísýringur eða CO2 er ómissandi hluti af hringrás lífsins. Án CO2 munu plöntur deyja út og án plantna myndi líffræðileg fæðukeðja jarðar rofna endanlega. Við getum ekki lifað án koltvísýrings!

Hvað gerist ef mannkynið gengur "of vel" að eyða út CO2 (sem gerist ekki, því að við losum aðeins 3% af honum)? Munu plöntunar ekki fá nóg CO2 til að ljóstilífast?

Ef við ætlum að hengja sök á einhvern, hver er mesti "sökudólgurinn"? Kína.

Kína losaði mest koltvísýring (CO2) út í andrúmsloftið árið 2022, næst á eftir koma Bandaríkin og Indland.

Hér er listi yfir þær þjóðir sem losa mest af CO2:

     Kína: Um 28%
     Bandaríkin: Um 15%
     Indland: Um 7%
     Rússland: Um 5%
     Japan: Um það bil 3%
     Þýskaland: Um 2%
     Íran: Um 2%
     Suður-Kórea: Um 2%
     Kanada: Um 1,7%
     Sádi-Arabía: Um 1,6%.

Ríki í Evrópu rata ekki á þennan lista, nema Þýskaland sem er mesta efnahagsveldi álfunnar með aðeins 2%, og Rússland sem er með sitthvoran fótinn í Evrópu og Asíu. Kína, Bandaríkin og Indland eru með 50% af útblæstrinum og ef ætlunin er að snúa þessari þróun við, verður þessar þjóðir að taka sjálfar til innanlands. Ísland, með alla sína stóriðju (sem er umhverfisvæn), losar innan við 0,1%. 

Svo að þegar við rembust eins og rjúpur við staur að minnka kolefnanotkun okkar, erum við eins og keisarinn í engum fötum, höldum að við séum svo æðislegt og framlag okkar skiptir máli, sem það gerir ekki. Aðgerðir okkar geta bara verið táknrænar.

En verra eru skemmdarverkin sem íslensk stjórnvöld valda með því að reyna að minnka losun CO2.  Loftslagsskattar lagðir á samgöngur valda miklum fjárútlátum hjá íslenskum heimilum og fyrirtækjum.

Hins vegar er ljóst að ágangur mannkyns á nátttúruna og mengunin sem því fylgir er raunveruleg og dýrategundir og plöntum hefur verið útrýmt. Er þetta ekki meiri og raunverulegri vandi en sá sem við erum að berjast við? Erum við ekki eins og Don Quijote sem erum að berjast við loftslagsmyllur? Ímyndaðan óvin?

 

Athugasemdir

[Ásgrímur Hartmannsson, 11.12.2023 kl. 16:47]

Athugaðu, að liðið sem þú ert að reyna að sannfæra trúir því að sjórinn sé að sjóða.

Þegar svo er komið að fólk trúir ekki eigi augum, heldur bara því sem einhver predikari segir eim, þá er ekkert lengur hægt að ræða við það um neitt.

Það er búið, holt að innan, dautt.

[Birgir Loftsson, 11.12.2023 kl. 18:51]

Ásgrímur, mér er nákvæmlega sama hvað fólk segir. Ég segi það sem ég sé, ég trúi mínum eigin augum, greind og rökhyggju! Eins og ég hef margoft sagt hér, ég skrifa mig til skilnings. Gerði það áður á Facebook áður en það lokaði á glósur. Múgurinn hefur ekki alltaf rétt fyrir sér og ég elti ekki rangar hugmyndir. 

Cogito ergo existere!