Pólitísk mistök í Úkraníudeilunni og -stríðinu

Þegar horft er á stríðið í Úkraníu, þá sér maður mörg pólitísk mistök sem leiðtogar beggja aðila hafa gert og eru að gera.

Í fyrsta lagi að svíkja Minsk samninginn og telja Rússum trú um að hann væru raunverulegur friðarsamningur. Þeir urðu heldur betur reiðir er hið sanna kom í ljós. Í öðru lagi að virða ekki óskir Rússa um að stækka ekki NATÓ í austur, að landamærum Rússlands.  Það er ef til vill ekki undarlegt að Pútín hafi séð sig tilhneyddan til aðgerða og í stríð.

En það eru mistök í diplómatsíu sem spilar aðalrullu í málinu, af allra hálfu og hér skiptir máli hver er við stjórnvölinn í Bandaríkjunum. Leiðtogi andstæðinganna. Þar situr Joe Biden á valdastól, einn af lélegustu forsetum sögunnar í Bandaríkjunum sem hefur gert hver mistökin á fætur önnur í utanríkismálapólitík sinni. Hann sendi Pútín röng skilaboð um veikleika enda veit Pútín um alla spillinguna sem Biden fjölskyldan er flækt í Úkraníu og græna ljósið kom þegar Bandaríkin hrökkluðust með skömm úr Afganistan á vakt Joe Biden. 

En Pútín hefur líka gert sín mistök, efnahagsleg, pólitísk og hernaðarleg. Kannski eru alvarlegustu mistökin að drepa mjólkurkúnna, eða a.m.k. reka hana í burtu. Þá er ég að tala um Þýskaland og co. Langtímaáhrif gætu verið að Vestur-Evrópa minnki til frambúðar að kaupa rússneskt gas. Þótt Rússar geti selt gasið annað, þá gefur Vestur-Evrópu markaður mest af sér fjárhagslega og styðst er til hans í km talið.

Önnur stór mistök var að halda að Úkranía myndi falla eins og spilaborg líkt og í Georgíu. Rússneska leyniþjónustan hefur greinilega gert mistök og nokkra daga vopnuð valdataka og hefur breyst í blóðugt stríð. Rússar munu læra af þessu hernaðarlega og herinn verður öflugri í framtíðinni en hann sýnir í þessu stríði.

Þriðju mistökin sem er ef til vill ekki á Pútíns valdi en er ófyrirsjáanleg (?) afleiðing stríðsins en það er að NATÓ stækkar! Landamærin við NATÓ lengjast ef Svíþjóð og Finnland ganga í bandalagið. Þetta er hernaðarlega mjög öflugar þjóðir og því verða Rússar í framtíðinni að binda mikinn herafla í Norður-Evrópu til frambúðar.

Mér sýnist niðurstaða vera komin í stríðið, en báðir aðilar vilja ekki viðurkenna þau, líkt og gerðist í Kóreustríðinu, þar sem barist var aukalega í tvö ár eftir að hernaðarleg niðurstaða var fengin.

Hún er að Krímskaginn fellur endanlega í hendur Rússlands, samið verður um Donbass svæðið og það fær pólitískt sjálfræði að einhverju leyti en verður áfram hluti af Úkraníu. Niðurstaða sem hægt hefði verið að ná við samningaborðið!!! Og spara líf hundruð þúsunda manna (aðallega ungra karlmanna) í leiðinni.

Stríð eru alltaf ömurlegur veruleiki mistaka stjórnmálamanna. Stundum borga stríð sig, ríkið stækkar í landsvæði,en áhættan er gífurleg. Það fékk Hitler að kynnast í seinni heimsstyrjöldinni. Í næstu grein ætla ég að fjalla um pólítík seinni heimsstyrjaldar og mistökin sem gerð voru.