Á að banna skotvopn?

Það er alltaf þannig, að ef voðaverk verður,þá reyna menn að leysa málið á sem einfaldasta hátt. Nú tala menn um að hamla aðgengi að skotvopnum. En er ekki þegar hömlun á aðgengi? 

Jú, það gilda nú þegar reglur og lög um meðferð skotvopna. Það er ekki hver sem er sem fær skotvopn í hendur, sérstaklega ef menn hafa forsögu um andleg veikindi tengd ofbeldishneygð.  Það eru nefnilega ekki allir sem eru andlega veikir sem eru ofbeldisfólk, langt í frá og er þetta alltaf einstaklingsbundið mat hverju sinni.

Það er eitt við núverandi umræðu, en það er farið í "tækið" ekki manninn.  Eins og oft er sagt, vopn drepa ekki fólk, heldur fólkið sem heldur á vopnunum.

Ef menn ælta sér að koma í veg fyrir manndráp, þá dugar skammt að banna skotvopn.  Þeir sem ætla sér eða eru í einhverju sturluástandi grípa til næsta hluts sem er við hendi og fremja voðaverkið.  Þessi morð sem hafa verið framin síðastliðin ár og áratugi, hafa verið framin með alls konar verkfærum, handslökkvutæki, steina, berar hendur, straujárn og svo hnífa.  Ekki vilja menn banna hnífa? 

Ef borið er saman New York og London, þá er fólk oftast drepið með skotvopnum í New York en í London með hnífum og hefur verið hnífafaraldur þar lengi. Reykjavík virðist vera að breytast í hnífastungu borg, en fregnir berast af hnífaárásum um hverja einustu helgi.

Lausnin er því ekki boð og bönn, heldur þarf samfélagsfræðslu (afnám ákveðið "subculture" sem er glæpaheimsmenningin) og vistun þeirra sem eru ekki samfélagshæfir, eru hættulegir samfélaginu.  Þetta er því ákveðið velferðarvandamál.

 

Athugasemdir

[Ásgrímur Hartmannsson, 23.8.2022 kl. 16:03]

Í NY & London þá stafar ofbeldið af fjölmenningu og "Woke."  I.E. Kommúnisma.

Og ekki veit ég betur en Shinzo Abe, forsætisráðherra Japans hafi verið ráðinn af dögum með heimatilbúinni byssu í landi þar sem eru engar byssur.

Og ég heyri ekki betur í allri umræðunni en að réttast væri að gera aðgengi að skotvopnum auðveldara, ef það á að fara að hefjast einhver fjölmenning og glæpastarfsemi hérna.

Annars verður fólk bara myrt.

[Birgir Loftsson, 23.8.2022 kl. 20:20]

Hér Nigel Farage að ræða um glæpa faraldurinn í Bretlandi, þar sem aðgengi að byssum er mjög takmarkað.... https://fb.watch/f4XUaT7XAU/

[Birgir Loftsson, 23.8.2022 kl. 20:27]

Rétt er það Ásgrímur að ósamstætt samfélag (og ef út það er farið - heimili), endist ekki lengi. Það gerir það á friðartímum og ef ekkert kreppuástand er, en um leið og brestir verða á, þá verður hver hendin upp á móti annarri og allt fer til....

[Birgir Loftsson, 24.8.2022 kl. 10:15]

Það mætti fjölga í lögregluliðum landsins.