Valdabarátta milli Joe Bidens og Kamala Harris?

 

Nú virðist ætla að rætast það sem margir spáðu að líkur væru á að Biden myndi hrökklast úr embætti vegna elliglapa snemma á forsetaferlinum.

Aðstoðarmenn Joe Biden forseta leka sögum þar sem þeir gagnrýna Kamala Harris varaforseta vegna þess að þeir hafa áhyggjur af því að hún muni kalla fram 25. breytinguna (ákvæði sem hægt er að nota ef forsetinn getur ekki gengt embætti af einhverjum orsökum) til að reyna að koma forsetanum úr embætti.

Í nýlegri grein í The New York Times sem „...talar um hvernig Harris er ekki tilbúin á besta tíma. Hún væri á móti starfsfólki sínu eða með öðrum orðum ætti í samstarferfiðleikum. Hún klúðraði ferðinni að landamærunum, sem og önnur neikvæð atriði um hana væri í gangi." 

Það er alveg á hreinu að Kamala Harris hefur verið látin sjá um skítverkin og verkefni sem ættu að vera á könnu forsetans, s.s. að ræða við erlenda þjóðarleiðtoga en samskiptin milli forsetanna hafa aldrei verið í raun góð. 

Mikið veikleikamerki var talið að Biden samþykkti að skíra stjórn sína Biden-Harris administration en venjan er og án undantekninga er að kenna ríkisstjórnina við viðkomandi forseta. Til dæmis Trump administration eða Obama administration. Gárungar kalla stjórnina Harris-Biden administration.

Kamala Harris myndi fá mikinn stuðning úr röðum Repúblikana við að koma Biden úr embætti en samt lýst mörgum ekki á blikuna að fá Harris í staðinn, enda mjög róttæk í skoðunum og stefnu.

57% kjósenda (allir kjósendur, Demókratar, sjálfstæðir og Repúblikanar) telja að Joe Biden sé ekki við stjórnvölinn í Hvíta húsinu. Kamala er ekki innanbúðarkona þar og því er spurt hvort að einhver klíka í kringum Biden stjórni á bakvið tjöldin.

Joe Biden átti náðuga helgi í Wilmington, heimabæ sínum. Dagskráin í dag er afar létt: Hann hlustar á daglega skýrslu ráðgjafa, ræðir við blaðafulltrúa sinn og að lokum ræðir við dómsmálaráðherra um leiðir til að fækka glæpi. Dagskráin er frá kl. 10-14.

Sean Hannity Show um Joe Biden