Móðusýki Evrópumanna

Rússar (og áður Sovétmenn) hafa alltaf reynt á varnir andstæðinga sína. Það gerðu þeir hér við Ísland í kalda stríðinu, sendu langdrægar sprengjuflugvélar að landhelgi Íslands, til að sjá viðbrögðin, og bandaríski flugher sendi á móti orrustuþotur til að stugga við björninum. Svona gekk þetta fyrir sig án vandræða. Held meiri segja að Kaninn þurfi að stugga við Rússann við Alaska. 

En núna eru evrópskir ráðamenn að fara á límingunum. Pólverjar og Eystrasaltsríkin vegna þess að rússneskar orrustuþotur fljúga nærri lofthelgi þeirra. Og svo þessi furðufrétt, Rússar eiga að hafa sent dróna á Kastrup flugvöll án þess að hægt sé að sanna það með neinum hætti.

Sá grunur læðist, að leiðtogar þessara ríkja eru að réttlæta aukin fjárútlát til varnarmála. Nú ætlar Daninn að kaupa langdrægar eldflaugar í fyrsta sinn í sögunni. Pólverjinn er kominn upp í 5% af vergri landsframleiðslu til varnarmála. Eins er með önnur Evrópuríki. Það þarf að réttlæta þessa aukningu fyrir almenning heima fyrir og því þarf að benda á vonda manninn til heimabrúks. 

Evrópumenn eru að reyna að verða sjálfstæðir frá Bandaríkjunum og til þess þarf stórkostlega aukningu fjármagns til varnarmála. Erfitt er að réttlæta slíkt þegar flestir ríkiskassar eru tómir vegna arfa heimska stefnu í efnahagsmálum álfunnar. Menn eru bara ekki jarðtengdir.

Dæmi: Orka eins og kol, gas og bensín/dísill er eldsneyti atvinnulífsins. Innlendir orkugjafar eins og kol eða kjarnorka er aflagt og ekkert kemur í staðinn nema gas og olía frá óvininum, Rússland. Galið? Úthugsuð utanríkisstefna? Nei, bara sönnun fyrir því að hópurinn getur haft rangt fyrir sér. Ef hundrað manns segir að sólin snúist í kringum jörðina en einn maður segir á móti að það sé öfugt, hver hefur rétt fyrir sér?  Hóp ákvörðun getur verið jafn vitlaus og einstaklings ákvörðun.