Rektor Háskóla Íslands tekur ekki ábyrgð á málfrelsi innan veggja skólans

Rektor Háskóla Íslands mætti loks opinberlega í Kastljós RÚV, þar sem hún var spurð um hvort málfrelsi ríki innan fræðasamfélag skólans. Ekki gat hún tekið afstöðu, vísaði í siðanefnd, sem ætti að fjalla um slík mál áður en hún fær málið á sitt borð. Þá vaknar sú spurning, hvor það sé búið að klippa allar klær af stjórnendavaldinu? Forstjórar, skólastjórar og allt upp í ráðherra hjá hinu opinbera geta ekki tekið ákvörðun eða jafnvel ekki sagt skoðun sína án þess að vísa málið í nefnd!

Ritara hefur verið tíðrætt um muninn á leiðtoga og stjórnanda. Menn geta verið stjórnendur án þess að hafa nokkra leiðtogahæfileika. Fólk sem velst í stjórnendastöðu og þorir ekki að valda ábyrgð, vísar í aðra, ætti kannski að vinna við eitthvað annað. Ekki myndi ritari vilja hafa framkvæmdarstjórar eða forstjóra í vinnu fyrir sig og hvorugir geta tekið daglegar ákvarðanir án þess að ráðfæra sig við mig, eigandann. Slíkir stjórnendur fengju fljótt reisupassann, en slíkt gerist auðvitað aldrei hjá ríkisstofnun.

Að lokum að HÍ, að svara svona grundvallarspurningu um akademískt frelsi ætti ekki að vefjast fyrir rektor skólans, eða meinti hún ekkert með setningaræðu sinni?

Rétturinn til fundarfriðar

 

Að heita trúnaði við land og þjóð

Þetta ætti að vera hluti af að gerast íslenskur ríkisborgari, að heita trúnaði við nýja fósturjörð, en það er ekki gert. Þetta þurfa allir nýir bandarískir borgarar að heita, en líka skólabörn daglega, fólk sem sver sig í embætti o.s.frv.

Trúnaðareiðurinn gæti verið eftirfarandi: "Ég heiti því að vera trú(r) fána Íslands og lýðveldinu sem hann stendur fyrir, eina frjálsa og fullvalda þjóð, sameinuð í sjálfstæði, með heiðri, réttlæti og velferð fyrir alla."

Íslenski fáninn er tákn um sjálfstæði, fullveldi og þjóðernisvitund Íslendinga. Hann hefur ákveðna liti og form sem hver um sig hefur merkingu en sjálfur krossinn í fánanum líka (þess vegna er heiðingjum illa við fána Norðurlanda sem og kommúnistar).

Krossinn táknar kristna trú, sem var og er lykilhluti af sögu og menningu þjóðarinnar. Ælti fyrsti krossfáninn hafi ekki komið frá Dönum. Þegar Norðurlöndin tóku upp krossfána á miðöldum var það bein tenging við kristindóminn, og íslenski fáninn heldur áfram þeirri hefð. En litirnir hafa líka merkingu. Blár litur: táknar hafið allt í kringum landið. Hvítur litur: táknar ísinn og snæviþakta fjöllin. Rauður liturinn táknar eldinn og eldfjöllin, hið brennandi innra líf landsins.

Krossinn í fánanum er einnig hluti af norrænni hefð og sýnir tengsl Íslands við önnur Norðurlönd, einkum Noreg.

Fáninn var fyrst tekinn í notkun sem óopinber tákn þjóðarinnar á síðari hluta 19. aldar, en varð síðan opinber þjóðfáni með fullveldi og lýðveldisstofnun. Sjá hlekk: Fánamálið

Munum að fáni Íslands er tákn íslenskt sjálfstæðis, sögu, trúar, lands og þjóðar.